Civîna bîranînê roja Yekşemê li Navenda Civaka Demokratîk pêk hat û bavê çar zarokan Yûsûf Ok ku tevî çar kesan di wesayiteke sivîl de hate kuştin, hate bîranîn. Xizmên Ok jî tevlî civînê bûn.

Wêneyê Ok û ala PKK'ê li salona bîranînê hatin daliqandin. Piştî deqeyeke rêzgirtinê ji bo bîranîna cangoriyên têkoşîna azadiyê ya Kurdistanê, Hevserokê Civaka Azad a Awûstûryayê Halîs Sever axivî. Sever got, Gelê Kurd wê her gavê xwedî li şehîdên xwe derkeve."

Sever işaret bi tecrîdkirina Rêberê Gelê Kurd Abdullah Ocalan kir û got, wê tecrîdê qebûl nekin û îradeya gelê Kurd wê bi vî rengî neşikê.

Ok ê 37 salî roja 10'ê Cotmehê li gundê Înalî yê navçeya Gimgim a Mûşê, tevî ku destên xwe bilindî hewayê kiribû, ji ber guleyên ji wesayita zirxî hatin reşandin, tevî 4 kesan hatibû kuştin. Leşkerê Tirk qedexe kiribû ku ji bo Ok li gundê wî konê sersaxiyê bê vedan.