Nivîskara Filîstînî Nayroûz Qarmoût peyameke piştgiriyê ji Hevseroka KCD’ê û parlementera HDP’ê Leyla Guven re şand a ku ji bo rakirina tecrîda li ser Rêberê Gelê Kurd Abdullah Ocalan 137 roj in di greva birçîbûnê de ye.
Nayroûz Qamroût ji Xezayê peyameke piştgiriyê ji Leyla Guven re şand. Di peyamê de ev tişt hatin diyarkirin:
“Navê min Nayroûz, ango Newroz e. Min navê xwe ji bijîşkekî Kurd ê ji Iraqê wergirt. Ew bijîşk heta kêliya şehîdbûnê ji bo wêje û hunera bi zimanê xwe yê zikmakî xebitî.
Leyla Guven a hêja, tu semboleke têkoşînan jinan e ya ku li dijî pergalên zalim têdikoşe.
Ez ji te re navê xwe, Filîstînê, doza ax û mirovayetiyê û Newroza ji bo Kurdistanê dişînim.”
