Çalakiya konvedanê ya ji bo azadiya Rêberê Gelê Kurd Abdulalh Ocalan ku roja Sêşemê destpêkirîbû, Kurdistaniyan bi çalakiyekê bi dawî kirin.

Çalakî 4 roj an domkir û bi hezaran belavokên têkildarî tecrîda girankirî ya li ser Ocalan û teşhîrkirina faşîzma AKP-MHP’ê hatin belavkirin.

Kurdistanî, nûnerên partiyên siyasî û rêxistinên civaka sivîl bi serdanan kon piştgirî dan çalakgeran.

Çalakî seat 18:00’an hate lidarxistin, li ser navê Navenda Civaka Demokratîk a Kurd û Meclîsa Jinên Kurd a Amarayê ku pêşengitiya çalakiyê dikin axaftin hatin kirin. Di axaftinan de daxwaza demildest rakirina tecrîda li ser Rêberê Gelê Kurd Abdullah Ocalan û hevdîtina bi malbat û parêzeran re hate kirin.

CPT ev 2 sal e serdana Ocalan ne kiriye û ev helwesta CPT hate rexnekirin. Bang li Yekîtiya Ewropa û hikûmeta Swêde hate kirin ku ji bo rakirina tecrîda girankirî ya li ser Ocalan bikevin nava helwdanan.

Di çalakiyê de Ciwanên Azad û Jinên Ciwanên Azad daxuyaniyeke nivîskî dan û ji ciwanên Kurd ên li Swêdê dijîn daxwaz hate kirin ku têkoşîna ji bo azadiya Ocalan tê dayîn geştir bikin û dakevin qadan.

MANNHEÎM

Li bajarê Mannehîm ê Elmanyayê tecrîda girankirî ya li ser Rêberê Gelê Kurd Abdullah Ocalan bi çalakiyekê hate protesto kirin. Di çalakiyê de daxwaza azadiya Ocalan hate kirin û belavok hatin belavkirin.

Çalakî bi pêşengiya Navenda Civaka Demokratîk a Kurd hate lidarixistin, Kurdistaniyên beşdarî çalakiyê bûyîn bi rêya çapemeniyê bang li hikûemta Tirk kirin.

Çalakî bi dirûşmeyan bi dawî bû.

SAARBRUCKEN

Çalakiya konvedanê ya Kurdistaniyên li bajarê Saarbrucken ê Elmanyayê îro jî domkir. Kurdistanî li pêşiya Europa Galerî li hev civiyan û çalakiya xwe dewam kirin. Di çalakiyê de belavokên agahdarkirinê hatin belavkirin û têkildarî tecrîdê agahî hatin dayîn. Çalakî bi pêşengiya NCDK Saarbrucken hate lidarxsitin û Dexîl Îbrahîm li ser navê NCDK axivî. Dexîl peyama heta ku tecrîda li ser Ocalan ne rabe wê çalakî bidomin da.