Li paytexta Rûsyayê Moskowê  şandeyeke ku ji endama KJK’ê Culiyeta Aram, alîkarê Serokê Kongreya Êzîdiyên Rûsyayê Ando Reşoyan û endamê Kongreya Wazîr Kaşaxî bi wesîleya salvegera qirkirina Şengalê di Sefaretxaneya Iraqê bi Sefîr Haydar Manhûs Hadî re axivî.

Delagasyonê metirsiyên Kurdên Êzîdî yên têkildarî komkujiyê û encamên wê vegotin. Delagasyonê ji sefîr re gotin Şengal a ku parçeyek ji Iraqê ye divê bibe xwedî statûyeke xweser. Delgasyonê her wiha diyar kir tenê bi xwerêveberiyê û xweparastinê dikarin xwe ji çeteyên DAÎŞ’ê biparêzin.

Her wiha hate xwestin ku endamên Êzîdiyan ên li parlamentoya Iraqê werin zêdekirin û li dijî dagirkeriya  Tirk a li ser Iraqê helwestê nîşan bidin. Delagasyonê xwest ji bo ku Êzîdî karibin serdana mekanên pîoz ên Êzîdiyan Laleş û Şengalê bikin, alîkarî ji sefîr xwestin.

Sefîr Haydar Mansûr Hadî jî got Êzîdî parçeyekî girîng ê civaka Iraqê ne û ji bo ku werin parastin û bi pêş ve biçin hikûmeta navendî ya Iraqê di nav hewldanan de ye. Sefîr her wiha got alîkariyên ku rêxistinên navnetewî dikin, hikûmeta Iraqê vê alîkariyê ji bo kêmarên etnîk û dînî bi kar tîne û pêşaniyê jî didin Êzîdiyan.

Mansûr got ew ê daxwazên delagasyonê bigihîne Bexdayê û derbarê Şengalê jî civaka Êzîdî agahdar bike.