Kurdistanî li pêş avahiya Rai Tv a ku li bajarê Venedîk a Îtalyayê  li hev civiyan. Kurdistaniyan AKP û Eûtelsat protesto kirin ên ku dixwazin televîzyonên Kurdî bigirin.

Di axaftinên ku di çalakiyê de hatin kirin de bal hat kişandin ser televîzyonên Ronahî Tv, News Channel û Stêrk Tv û hat gotin ku ew dengê berxwedana gelan in.

Di çalakiyê de pankarta ku bi Îtalî li ser wê 'Eûtelsat nikare qenalên Kurdî bigire’ hat vekirin û êrîşên li ser Şengal û Rojava hatin protesto kirin.

Di çalakiyê de sloganên ‘Vîva Ocalan’ û ‘Vîva Kurdistan’ hatin berzkirin.