KCDK-E daxuyaniyeke nivîskî weşand û got, "Li dijî êrîşên dewleta Tirk a dagirker û çeteyên qesra AKP'ê ya faşîst, em ê bi rengekî girseyî 4'ê Mijdarê roja Înê li ber Parlamenta Ewropayê bin."

KCDK-E bang li geê Kurd, dostan û hêzên demokrat şoreşger kir, ku tevlî vê çalakiyê bibin.

Di dewama daxuyaniyê de hat gotin, "Ji bo teşhîrkirin û sekinandina dewleta Tirk a faşîst a dest bi xwîn, ku bi çavsorî êrîşî azadiya me, vîna me û axa me dike, weke KCDK-E em banga daketina li kolanan û lidarxistina çalakiyan dikin.

Roj roja bendemayînê nîne. Roj roja têkoşîn û berxwedana bi rûmetî ye. Ji bo parastina rÛmeta têkoşîna me ya azadiyê, em ê bi hemû hêza xwe li qadên çalakiyan bin.

Li dijî vî sûcê mirovahiyê ku li pêş çavên tevahiya cîhanê û Ewropayê hat kirin û ji bo teşhîrkirina polîtîkaya durû ya dewletên Ewropayê, em bang li gelê xwe dikin ku bi tevlîbûn û ruhekî welatparêz beşdarî mîtînga li ber Parlamenta Ewropayê bibe.

Em ê ji her devera Ewropayê pêl bi pêl biherikin ber Parlamenta Ewropayê.

Weke KCDK-E em bang li tevahiya gelê xwe, dost, şoreşger û demokratan dikin, ku 4'ê Mijdarê roja Înê saet di 11:00 de li ber Parlamenta Ewropa ya li Brukselê bin."