Di encama şewata ku roja Înê ji ber teqîna gazê bi mala ku Secad Rezmcûyî lê dima ket de bi giranî birîndar (şewata 80%) dibe. Piştî bûyerê yekser ji bo dermankirinê Rezmcûyî radikin beşa lezgîn a Nexweşxaneya Ş.Bêhêştî ya bajarê Yasûcê. Tevî hemû hewldanan piştî 4 rojan ango roja Sêşemiyê Rezmcûyî ji ber giraniya şewatê jiyana xwe ji dest da.

Duh bi tevlêbûneke girseyî ya xizm, hunermendên herêmê û heskiriyên wî, bi merasîmeke bi heybet cenazeyê hunermendê navdar ê Loristanê Secad Rezmcûyî hate veşartin. Di merasîmê de gelek hunermendên herêma Loristanê yên amade bibûn axivîn û xemgîniya xwe anîn ser ziman.

Secad Rezmcûyî yek ji hunermendên navdar ê Loristanê bû ku sala 1980’ê li bajarê Yasûc ê parêzgeha Kohgîlûyê û Bûyêr Ehmed ji dayik bûye. Rezmcûyî sala 1992’an bi rengekî pispor dest bi xebatê hunerî dike û ji bo civaka Lor gelek berhemên xweş yên mîna Bergê Rêwas, Hî bo kû yarem, Bîkes, Îlel û bare, Destmalbazî, Şorvê û gelek stranên din li pey xwe hişt. Rezmcûyî di nava civaka Loran de bi kesayetiya xwe ya gelêrî û welatparêz tê nasîn.