Têildarî êrîşa li dijî midûrê Emniyeta Polîsan a Çewlîkê Atalay Urker, ku du polîs miribûn de, hikûmeta Tirk, tevgera Kurd bi sûcdariya sûîqestê sûcdar kiribû. Lê ev sûcdarkirin pûç bû û piştî bûyerê Alî Kiliçgedîk û Erhan Şenyûva yên hedef hatin nîşandan û hatin girtin vê carê bi sûcdariya ‘Tevî ku ne endamê rêxistinê ye, bi zanebûn û daxwaz  alîkarî daye rêxistinê’ rastî 5 sal û 7 meh ceza hat. Parêzera Şenyûva û Kiliçgedîk Eren Keskîn ji ANF’ê re axivî û got her du jî ji aliyê dewletê ve wek qurban hatine hilbijartin û diyar kir ku tenê ji bo ceza bidin muwekîlên wê, ceza li wan birîne.

Di doza hewldana sûîqestê ya 09.01.2014’an a li dijî Midûrê Emniyeta Çewlîkê Atalay Urker de kujerên rastî tên parastin û ceza li kesên di wesayîta yek jê zarok 4 kes ji aliyê tîmên taybet ve hatin qetilkirin de bi saxî filitîn, hat birîn.

Di êrîşê de polîs Atif Şahîn û Huseyîn Hatîpoglu hatibûn kuştin û midûr Atalay Urker û Ugur Adli bi giranî birîndar bibûn. Du saet piştî bûyerê de  wesayita bi plaqeya 12 AR 900 ku diçû navçeya Dara Hênê hat sekinandin û gulebarandin.  Divê êrîşê de yek jê zarokê 14 salî 4 kes hatibûn înfazkirin.  Bûyer wek pevçûnê hat bi nav kirin. Erdogan gotibû kujer hatine cezarkirin û Davûtgolû jî gotibû kujer hatine kuştin. Erdogan û Davûtoglû xwestin bi vê PKK’ê hedef nîşan bidin.  Di rapora balîstîk de derket holê guleyên pê her du polîs hatine kuştin ne aydê çeka ji ser 4 kesan hatiye dîtinê ye.

Parêzera Erhan Şenyûva û Alî Kiliçgedîk Eren Keskîn da zanîn ku ti eleqeya muwekîlên wê bi bûyerê tine û tevî di raporan de jî hatiye tespîtkirin eleqeya wan bi bûyerê tine, hatine cezakirin. Keskîn da xuyakirin ku mafê darizandina adîlane hatiye binpêkirin û diyar kir ku tevî israra muwekîlên wê ya beşdarbûna dadgehê, heyet daxwazê red bike û bi rêbaza segbîsê beşdar dibin. Keskîn anî ziman ku tenê ji bo ceza bê dayîn, li muwekîlên wê hatine cezakirin destnîşan kir ku bedela şaştiyê li muwekîlên wê hatiye birîn.