Li gorî nûçeya Ajansa Mezotomyayê (MA) 6'ê Nîsanê polîsên Tirk bi ser taxên Dicle Dumlupinar û Haciyê Kurdan de girtin.

Polîsan saet 02:00'an bi ser taxan de girtin û heta 8:00'an dom kir. Ji aliyekî ve jî ji bo ku kolandinê bikin mekîneyên kar jî birin taxan.

Hate diyarkirin sê mal hatin sehkirin. Li taxa Dîcleyê nav mal, baxçe û koxa Ibrahîm Halîl Ercan bi mekîneyên kar hate kolandin.

Ev kirinên kêfî yên polîsên Tirk li taxên Dumlupinar û Haciya Kurdan jî dubare bûn.

Hate diyarkirin polîsan êşkence  li Ibrahim Halîl Ercan û xwediyê malê kirin, ku Ercan li mêvandariyê bû, dema ku Ercan birine taxa Dîcleyê dîsa êşkence lê hatiye kirin.

Hate gotin çavên Ercan hatine girêdan, polîsan lê dane û poşêt di serê wî re kirine.

Ercan diyar kir dema ku ew ne li malê bûye li mala wan dema lêgerînê li malikekê hin muhîmmat hatine dîtin û got, ''Gef li min xwarin, gotin tu yê van bigirî ser xwe an na em ê te bikujin''. Dema lêgerînê Ercan hate destgîkirin, birin Midûrtiya Emniyetê ya Bajêr a Amedê û dema destgîrkirina wî hate dirêjkirin.

Ercan ji parêzerê xwe re got bi saetan êşkence lê hatiye kirin. Parêzer diyar kir dema destgîrkirinê wêne hatiye girtin û ji wêne jî diyar e ku êşkence lê hatiye kirin.