Navenda Ragihandinê ya YPG’ê bi daxuyaniyek nivîskî nasnameya 5 şervanên xwe yên ku di Operasyona Pêngava Xezeba Firatê de li gundên Cabir û Teraqa di encama berxwedanekî bê hempa de gihiştin şehadetê, bi raya giştî re eşkere kir.

YPG’ê destnîşan kir ku Yekîneyên Parastina Gel (YPG) û Yekîneyên Parastina Jin (YPJ) bi rolek aktîv bejdarî Pêngava duyemîn a Xezeba Firatê bû, di gelek şerên dijwar de rolek mezin girt li ser milê xwe.

Di daxuyaniya YPG’ê de ev agahî hatin dayîn:

“Hevalên me 20-24’ê Kanûnê şerekî giran li dijî çeteyên DAIŞ’ê meşandin û heta dilopa xwîna xwe ya dawî li ber xwe dan û di encama vî şerî de 4 hevalên me li gundê Çabir û hevalek me jî li gundê Teraqayê de yên girêdayî Reqayê gihîştin şehadetê.

Di pêngava Xezeba Firatê de Hêzên Sûrya Demokratîk (QSD) û YPG/YPJ wek 2 hêzên sereke di nav de bi awayekî aktif cih digire, bi dehan gundên stiratejîk ji destê çeteyên DAIŞ’ê rizgarkirine, herî dawî jî gundê Teraqa û Cabir hatin rizgarkirin, ev her 2 gund ji bo çeteyên DAIŞ’ê gelek stiratejîk bûn, mirov dikare bêje bi rizgarkirina van gundan çeteyên DAIŞ’ê derbên mezin xwarin.

Her 5 hevalên me yên di rizgarkirina van gundan de rolekî girîng girtin li ser milê xwe û bifedakartiyek mezin beşdar bûn û giheştin şehedetê.

Em weke YPG û YPJ di serî de ji malbata şehîdan, ji tevahî gelê xwe re sersaxiyê dixwazin. Em soza xwe ya bilindkirina têkoşînên di kesayeta şehîdan de nû dikin, heta dawiyê li ser şopa wan bimeşin.”

NASNAMEYA ŞERVANAN

Nasnameya şervanên YPG’ê yên ku jiyana xwe ji dest dane wiha ne:

Nasnav: Brûsk Kobanê

Nav û Paşnav: Yusuf Osman

Navê Dayikê: Fatma

Navê Bav: Îbrahîm

Cihê Jidayikbûyînê: Kobanê

Cih û Dîroka Şehadetê: Cabir /Reqa-23.12.2016

***

Nasnav: Îbrahîm

Nav û Paşnav: Îbrahîm El- Ebdulleh

Navê Dayikê: Ferîda

Navê Bav: Ebd El- Henan

Cihê Jidayikbûyînê: El- Ehmediyê

Cih û Dîroka Şehadetê: Cabir /Reqa -22.12.2016

 ***

Nasnav: Şervan Efrîn

Nav û Paşnav: Said Battal

Navê Dayikê: Hamîda

Navê Bav: Osman

Cihê Jidayikbûyînê: Heleb

Cih û Dîroka Şehadetê: Cabir/ Reqa -21.12.2016

 ***

Nasnav: Agir Kobanê

Nav û Paşnav: Zelal Osman

Navê Dayikê: Ayşe

Navê Bav: Mustefa

Cihê Jidayikbûyînê: Kobanê

Cih û Dîroka Şehadetê: Cabir/Reqa -24.12.2016

 ***

Nasnav: Şahîn Çavşîn

Nav û Paşnav: Emîncan Muhemedî

Navê Dayikê: Emîna

Navê Bav: Huseyin

Cihê Jidayikbûyînê: Xoy

Cih û Dîroka Şehadetê: Teraqa /Reqa - 24.12.2016