MEBYA DER êrîşên li ser goristanan şermezar kir
MEBYA DER êrîşa li ser goristanan şermezar kir, destnîşan kir ku nirxên Kurdan tên hedefkirin
MEBYA DER êrîşa li ser goristanan şermezar kir, destnîşan kir ku nirxên Kurdan tên hedefkirin
Komeleya Alîkarî û Piştevaniya Malbatên Xizmên xwe di Dergûşa Şaristaniyê de Windakirin (MEBYA-DER) têkildarî êrîşên demên dawî yên li ser goristanan daxuyaniyek nivîskî da.
‘NIRXÊN KURDAN TÊN HEDEFKIRIN’
Di daxuyaniyê de MEBYA-DER ev anî ziman: “ Li navçeyên Wanê li ber çavên malbatê kêlên goran hatin şikandin û malbat hatin tehdîtkirin. Herî dawî jî li gundeke yê navçeya Farqîn a Amedê ji ber ku alfabeya Kurdî li ser kêlan hebûn, gor hatin texrîbkirin. Di demekê de ku dinê hemû bi şewba Koronayê re seferber bûye, desthilat li dijî gelê Kurd û nirxên wê her roja diçe êrîşên xwe zêdetir dike. Ev jî encama dijminahiya li ziman û çanda Kurdan e. Roj tine ku rûmeta mirovan li bin lingan nayê xistin. Li şûna desthilat bi vîrûsê re têbikoşe, zextê li maf û azadiya herî demokratîk dike. Li herêmê operasyon bi lez dewam dike, her roj ji girtîgehan darbestên ciwanan derdikevin. Di meha Remezanê ya ji bo alema Îslamê bi qedir û qîmet e, agahiya mirina Mûstefa yê di rojiya mirinê de hate bihîstin,agahiyên ku goristan tên texrîbkirin tên bihîstin. Dixwazin bînin ziman ku ti rêzdariyek ji bo baweriya civakê nemaye.”