Wezareta Tenduristiyê ragihand ku di nava 24 saetên dawî de 112 kes mirin.

Wezaretê diyar kir ku ji 7’ê Cotmehê ve di êrîşên Îsraîlê de hejmara miriyan gihişt 28 hezar û 775 kesî û 68 hezar û 552 kes jî birîndar bûne.

Wezaretê ragihand ku piştî hêzên Îsraîlê kontrol xiste destê xwe, li nexweşxaneyeke li Xezeyê ji ber qutbûna elektrîkê dabînkirina oksîjenê sekinî û 4 nexweş mirin.

Wezaretê destnîşan kir ku li nexweşxaneya Nasser a li Han Yûnûsê jî ji jiyana 9 nexweşan bi fikar in û got, hêzên Îsraîlê ji jiyana nexweş û personelan berpirsyar e.

Li aliyê din Serokwezîrê Îsraîlê Binyamin Netanyahû şeva Pêncşemê nerazîbûn nîşanî plana ku ji aliyê rojnameya Post a Washîngton a Emerîkî ve hate vegotin da û ji dervey çarçoveya destpêkirina ji nû ve muzakereyên aştiyê yên Îsraîl-Fîlîstînê, red kir ku dewleteke Fîlîstînê di qada navneteweyî de nas bike.

Serokwezîrê Îsraîlê di daxuyaniya li ser X’ê dayî de, ev îdîa kir: “Piştî komkujiya 7’ê Cotmehê nasandineke bi vî rengî ji bo terorîzma ku mîna wê nehatî dîtin wê bibe xelateke mezin û wê peymaneke aştiyê ya ji bo siberojê asteng bike.”