Li Geverê ya Colemêrgê ji ber teqînê zarokekî jiyana xwe ji dest da, zarokek jî birîndar bû. Li gorî agahiyan li taxa Eskî Kişla ya Geverê zarokên bi navê Û.K û E.K li erdê hesinek dîtin, dema pê dilîstin teqiya. Zarokên birîndar rakirin nexweşxaneyê. U.K ê ku rewşa wî giran bû, ligel hemû mudaxeleyan jî jiyana xwe ji dest da.

Tedawiya zarokê birîndar tê kirin û polîsan li cihê ku teqîn lê pêk hatiye, lêkolîn dan destpêkirin.

Li Geverê di 13’ê Adara 2016’an de “qedexeya derketina derve” hatibû îlankirin û 79 rojan domiyabû.