Bi sedan welatiyên bajarê Amûdê li pêşiya navenda Heyva Sor a Kurd a bajêr kom bûn, cenazeyê şehîd Ebdulkerîm Cûlî (Ebid Cûlî) wergirtin û ber bi Goristana Şehîd Ismaîl ve ketin rê.

Di merasîmê de Şêwirmenda Rêveberiya Xweser a Kantona Cizîrê Ehmed, Hevserokê Meclîsa Zagonsaz Ebdulkerîm Sarûxan û cîgirê wî Hisên Ezam, amade bûn.

Li goristanê deqeyek rêzgirtin ji bo cangoriyê azadiyê hat girtin û şervanên Yekîneyên Disiplîna Leşkerî merasîmekî leşkerî lidar xistin. Piştre Hevserokê Meclîsa Malbatên Şehîdan Fatma Ehmed axivî û sersaxî ji malbata şehîd re xwest.

Piştre nasnameya şervanê Yekîneyên Disiplîna Leşkerî Ebdulkerîm Cûlî hat xwendin, cenaze bi dirûşim û tilîliyan ve li Goristana Şehîd Îsmaîl hat veşartin.