Komîteya Bawerî û Gelan a KCK’ê têkildarî meha Remezanê peyamek da.

Peyama KCK’ê wiha ye:

“Misilman meheke nû ya Remezanê pêşwazî dikin. Di meha Remezanê de wateyek cuda ya îbadeê heye. Baweriya me ew e ku Misilmanên ku di meha Remezanê de bi rojiyên xwe rastî, edalet, biratî û parvekirinê dike, dua û daxwazên wan bên bicihanîn. Bang dikin ku di vê meha Remezanê de di serî de li Kurdistan û hemû deverên Misilman lê ne, hê zêdetir parvekirinê bikin. Taybetmendiya exlaqî ya fermana ‘Dema cîran birçî be yên têr radizin ne ji me ne’, heman tiştî di vê meha Remezanê de jî bikin.

Misilman bi pirsgirêkên siyasî, aborî û civakî yên mezin dikevin Remezana Îsal. Bi taybet pirsgirêkên gelên Rojhilata Navîn hê mezitirin. Di salên dawî de rejîma AKP-MHP’ê bi polîtîkayên xwe yên dagirker faşîst ên olî, van pirsgirêkan kûrtir kiriye. Ev rejîma faşîst û minafiq, dixwazin Kurdan qir bike. Dixwazin gelên Tirkiye bi vê zilmê û zextê hejar, birsî û bêkar bike. Di serî de fitne xistiye nava gelên Sûriye, Iraq û Lîbya û gelê Ereb, şer geş kiriye. Dewleta Tirk Sûriyeyiyên ku koçber kiriye, ji bo bi milyonan eûro ji YE’yê bigire, weke amûreke şantajê bikar tîne. Ev  û pirsgirêkên dişibin vê, dide nîşandan ku Misilman wê tenê di Remezanê de rojiyan bigire û derbas neke û nake jî. Wê bike ku di meha Remezanê de li ser van pirsgirêkan hê baştir bihizire, ji bo çareseriyê jî gavên pêwîst pêş bixe. Ji ber vê sedemê di serî de bang li Misilmanên li Kurdistanê û hemû Misilmanên li Rojhilata Navîn dikin ku li dijî dewleta faşîst a ji bo herêma me xeter û vîrûseke kujere di nava yekîtiyê de têkoşînê bikin. Dixwazin bidin bibîrxistin ku xebata ji bo demokrasiyê yek ji qenciyên herî mezin e.

Ji bo gelê me yê Bakurê Kurdistan û derveyî welat

Fitre û zekatên xwe qet nedin sazî û kesayetên misqale zire jî bi sazî û dewleta Tirk a qirker re ne, dîsa nedin sazî û dezgehên bi navên Kurdî li xwe kirine û hevkariya wan bi dewleta Tirk a mêtinger re hene. Li gorî Îslamê zikata hûn didin van xêra wê nîne. Ji ber ku ya hûn didin van sazî û dezgehan dibe zilm û li we tê kirin. Bi wesîleya vê Remezanê bang li gelê xwe yê Misilman ên Bakur û derveyî welat dikin ku neçin mizgeftên Diyaneta Tirk a heman demê de buroyên îstixbaratê ne. Li mizgeftên girêdayî diyaneta Tirk li dijî gelê Kurd ji derveyî fitne, fesadî, înkar, derew, qetlîam û dirûtiyê tiştekî din nakin. Neçin wan mizgeftên ku her rojê bi weizan heqaretên li nasname, hestên me yên olî û nirxên me yên exlaqî dikin. Nimêja xwe li mala xwe, tax, li mezcîdên ku li gorî derfetên xwe amadekirine, li qadên minasib bikin wê xêrtir be.

Gelê me yê fedekar ê Başûr

Bang li we dikin ku di sobhet, weiz û xutbeyên xwe yên vê Remezanê de tim yekîtiya netewî ya demokratîk a Kurdistanê bikin rojev. Bang li alim û seydayên Başûr dikin hê zêdetir xwedî li berxwedana Êzidî ya li Şengalê derkevin. Dewleta Tirk a qirker mêtinger, dewlemendiyên we yên madî, bi noker re bi îtifaqên çêkiriine, dixin dest; carekî din didin nîşandan ku van çavkaniyan ji bo darikirina welatê me, û qirkirina gelê me bikar tînin. Bang li alim û seydayên Başûr dikin di vê Remezanê de hevkar û xayînên destekê didin leşker û îstixbarata TC’ê ya dijminê Kurdan, tehşîr bikin. Dixwazin vê bidin nîşandan ku ev yek erkekî welatparêzî û mirovî ye.

Gelê Rojhilat û Rojava

Gelê me yê Rojhilatê Kurdistanê ji ber zext û polîtîkayên şaş ên rejîmê li gel hejariyê di nava şart û mercên ji ber vîrûsê peyda bûne dikevin meha Remezanê. Di wê bawarî û hêviyê de ne ku gelê me yê Rojhilatê Kurdistanê wê vê zoriyê bi yekîtiyeke xurt a pêş bixe û piştevaniyê wê vê yekê derbas bike.

Gelê me yê Bakur û Rojhilatê Kurdistanê jî di bin gef û êrîşên TC a dagirker de dikevin Remezanê. Di wê hêvî û baweriyê de ne meha Remezanê ji bo gelê me yên li van herêman dijîn bibe wesîleya xurtbûna rêxistina netewî ya demokratîk, bihêzbûna xweparastinê, xaka di bin dagirkeriyê de ne bên azadkirin.

Bang li gelê xwe yên çar parçeyên Kurdistanê dikin ku vê Remezanê yekîtiya xwe xurt bikin, li hev werin, piştevaniyê xurtir bikin. Dixwazin bibîr bixin ku zikat û fitreyên xwe yên îsal bidin sazî û dezgehên welatparêz ên Kurdistanê, bihêzkirina saziyên xêrê yên welatparêz erka welatparêziyê ye. Carekî din di serî de hêvî dikin ku meha Remezanê di serî de ji bo Misilmanên Kurdistanê û hemû Misilmanên demokratîk bibe wesîleya xêrê, rojî, diûa û niyeta wan bên qebûlkirin.”