Heyeta HDP'ê ya bi serokatiya Serokwekîla Koma HDP'ê Meral Daniş Beştaş û Parlamenterê Dîlokê Mahmût Tûgrûl hevdîtinên xwe li Başûrê Kurdistanê dewam dike.

Heyeta HDP'ê li Silêmaniyeyê bi Hevserokê YNK'ê Bafil Talabanî û Endama Dîwana Serokatiyê ya YNK'ê Şanaz Îbrahîm Ehmed re hevdîtin kir. Rojeva sereke ya hevdîtinê jî yekîtiya neteweyî û hilbijartinên pêşwext ên Iraqê bû.

Heyetê destpêka hefteyê dest bi hevdîtinan kiribû. Destpêkê bi rêveberên Tevgera Goran umerî Seîd Elî û Bextiyar Ewlî re hevdîtin kiribû, piştre jî bi Alîkarê Serokwezîrê Herêma Kurdistana Federe Kûbad Talabanî û rêveberê Buroya Têkiliyan a YNK'ê Cemal Tahîr re rûniştibû.

Heyeta HDP'ê her wiha serdana gora Sekreterê Giştî yê YNK'ê Celal Talabanî kiribû û çeleng danîbû ser gora Talabanî.