Dewleta dagirker a Tirk du ciwanên Rojhilat qetil kirin
Di êrîşa dewleta dagirker a Tirk îro di seatên sibehê li dijî herêma Xakûrkê pêk anî de, du ciwanên ku Rojhilatî yên ku li herêmê pincar kom dikirin qetil kirin.
Balafirên şer ên ku girêdayî dewleta dagirker a Tirk di seatên sibehê de herêma Xakûrkê bombe kirin. Hate diyarkirin ku di bombebaranê de ciwanên bi navê Faxir Tazeward û Reşîd Mîroyî yên ji bajarê Şîno yê Rojhilatê Kurdistanê jiyana xwe ji dest dane.
Her du ciwanên ku ji aliyê dewleta dagirker a Tirk ve hatîn qetilkirin ji bo komkirina pincarê çûbûn herêmê û hate diyarkirin ku malbat ji bo cenazeyên xwe bigrin çûne herêmê.
