Çalakiya ji bo sê şoreşgerên jin ên Kurd Sakîne Cansiz, Fîdan Dogan û Leyla Şaylemez ên ku di 9’ê Çileya 2013’an de li Parîsê hatibûn qetilkirin, vê hefteyê jî dewam kir.

Çalakiya edaletê ya ku bi pêşengiya Tevgera Jinên Kurd a Fransayê hate lidarxistin, Yekîtiya Jinên Sosyalîst jî piştgirî dan çalakiyê.

Jin di saet 14.00’an de li pêşiya Navenda Civakî ya Kurd a Demokratîk kom bûn û pankartên wêneyên sê şoreşgerên jin ên Kurd û flamayan ber bi buroya Enformasyonê ya Kurdistanê meşiyan.

Di meşê de dirûşmên “Jin, Jiyan, Azadî”, “Qatîl Erdogan” hatin berzkirin.

Li pêşiya buroya Enformasyonê ya Kurdistanê deqeyekê rêz hate girtin û ji bo balkişandina qetlîama li Parîsê şano hate kirin.

Koma şanoyê ya bi navê “Compaîne bîen a voûs Armanç Kerboranî” bal kişandin ser qetlîamên li ser jinan û jinên Êzidî yên ku DAIŞ’ê li bazarên koleyan ew difirotin.

Çalakî bi daxwaza ku bila Fransa rastiyan eşkere bike, bi dawî bû.