Li gorî nûçeya Rojnews’ê, duh derengiya şevê li sûka kevin a Şengalê teqînek pêk hat. Hat ragihandin ku dengê teqînê ji gelek aliyên bajêr hatiye bihîstin.

Artêşa Iraqê liv û tevgera leşkerî hem li bajêr, hem jî li cihê ku teqîn lê çêbûye, daye destpêkirin. Sedema teqînê ne hate zanîn.

Çavkaniyeke ji nava hêzên ewlekariyê diyar kir ku ji ber herêma ku dengê teqînê jê hatiye herêmeke bermahiyên şerê DAÎŞ’ê lê heye, dibe mayîneke kevin be.

Medyaya Iraqê jî teqîn piştrast kir, lê sedema teqînê hîn jî nayê zanîn.

Hêjayî bibîrxistinêye Şengala kevin an jî sûka kevin herêmeke di dema şerê DAÎŞ’ê de wêran bûye û niha xelkê sivîl lê najî. Tenê hêzên leşkerî li vê herêmê dimînin û bermahiyên şer jî li herêmê hene.