Destavêtina çawişê pispor Mûsa Orhan ku li Êlihê dest avêt jineke ciwan, li Stenbolê hate şermezarkirin. Lê belê polîsan êriş birin ser jinên ku çalakiya protestoyî kirin û 4 jin bi zorê destgîr kirin.
Çalakî ji aliyê endamên Rizgariya Jinan ve li qada Taksîmê hate lidarxistin.
Çalakgeran xwestin ji bo Îpek Er a ku piştî destavêtina çawişê pispor Mûsa Orhan dawî li jiyana xwe anî, hesab bê pirsîn.
Jinan pankarta bi nivîsa "Sîstema serdestiya mêr kujerê Îpek e" hildan û dirûşmên "Em ê hesab ji kujeran bipirsin", "Dewlet a mêr wê hesab bide" qîriyan.
Di dema daxuyaniyê de polîsên Tirk êriş kirin û çar jin ên çalakger bi zorê destgîr kirin. Hate ragihandin ku jinên hatine destgîrkirin Başak Yeşîlot, Gamze Taşçi, Berîvan Kûrt û Bûrcûgul Çûbûk in.
