Di nava 25 wêneyên sala 2014'an ên ajansa nûçeyan a Fransa AFP’ê de du wêneyên Kobanê hene. Ji van yek jê wêneyê şervaneke YPJ’ê û yê din jî wêneke ku li Kantona Kobanê hatiye kişandin cih digire.

Ajansa Nûçeyan a Fransayê (AFP) weke her sal, îsal jî wêneyên salê weşand. Di nava wêneyên sala 2014'an de wêneyên şervaneke YPJ’ê û wêneyekî ku li herêma Kobanê hatiye kişandin jî hene.

Di wêneyekî de şervaneke Yekîneyên Parastina Jin (YPJ) ku di çeperê de ye û pişta wê li rojê ye, hatiye kişandin. Wêneyê din jî kesekî bi tenê li ser sînorê Kobanê rûniştiye hatiye kişandin.

Her wiha, di nava van wêneyan de wêneyên ji Burkîna Fasa, Rio, Heleb, Xazze, Sûdan, Singapûr, Endonezya, Hong Kong û li deverên din ên cîhanê hatine kişandin hene.