Li Frankfûrtê li dijî qedexeya PKK’ê çalakî berdewam in
Li Frankfûrtê bi armanca derxistina PKK’ê ji lîsteyên qedexe her roja Şemiyê li cihên cuda konê îmzeyan tê danîn.
Li Frankfûrtê bi armanca derxistina PKK’ê ji lîsteyên qedexe her roja Şemiyê li cihên cuda konê îmzeyan tê danîn.
Li bajarê Frankfûrt ê Elmanyayê, bi armanca derxistina PKK’ê ji lîsteyên qedexe her roja Şemiyê li cihên cuda konê îmzeyan tê danîn. Li ber standa îmzeyan a bi pêşengiya Navenda Civaka Kurd a Demokratîk tê birêvebirin, Kurdistaniyan kartên balê dikêşe li ser bêdengiya Ewropayê belav kirin û ji bo kampanyaya berhevkirina îmzeyan agahdarî kirin.
Di agahdarkirinê de bal kişand ser wê yekê ku gotina 'têkoşîna li dijî terorê' ku yekane argumana Erdogan e û ji êrîşan re hincetan çêdike, bi rakirina qedexeyan re wê ev yek ji holê rabe. Her wiha bal kişand ser lêgerîna edaletê ya Kurdan jî.
Li konê berhevkirina îmzeyan ê bi sê saetan li Haûptwacheyê vekirî ma, xelekê eleqeyek mezin nîşan da.