Li bajarê Almanya Hamburgê bi beşdariya Hevseroka PYDê Asya Ebdullah bi armanca piştgiriya Şoreşa Rojavayê Kurdistanê şevbêrkek hate lidarxistin.

Roja şemiyê 17ê mijdarê an li bajarê Hamburg bi beşdariya hezaran kurd û dostên kurdan bi coşeke mezin şeva biştgiriya bi şoreşa rojava re hat li darxistin. Di şevê de Hevseroka PYDê Asya Ebdulah jî tevlî bû û bal kişand ser rewşa kurdên Rojava û êrîş û planên li ser Rojavê Kurdistan û destkeftiyên kurdan li Rojava.

Her wiha jî komîteya amadekar bernameyeke dewlemend amade kiribû. Vekirina ahenga piştgiriyê di katjimêr 15:30 hat kirin. Piştî rêzgirtinê Koma Zarokên Aram Tîgran ji Bremenê tevlî şahiyê bû.

Piştî koma mûzîkê peyam û axaftin hatin kirin. Berdevkê Meclîsa Gel a Hamburgê li ser grevên birçîbûnê axaftinek kir.

Her wiha di berdewama şahiyê de her yek ji Hevseroka PYDê Asya Ebdullah û Parlementerê BDPê yê Çewlikê Îdrîs Baluken li ser rewşa Bakûr û Rojavayê Kurdistanê axaftin kirin.

Şahî bi stranên Şarik Apo, Alî Ihsan , Hemê Abûzêd, Koma Silbus û Tarî, Nuarîn, Xemgîn Bîrhat bi dawî bû.