Di hevdîtinên li ser aştiya li Sûriyeyê de ya li Astanayê ya ku paytexta Kazakistanê ye, aliyan li hev kirine ku herêmeke ewle were avakirin. Hat diyarkirin ku Rûsya, Îran û Tirkiye ji bo avakirina herêma ewle li hev kirine.

Di belgeyê de tê diyarkirin ku Rûsya dixwaze li Îdlîb, li bakurê Hûmûsê û li başûrê welêt li Gûtaya Rojhilat herêmek were avakirin a ku kaosê kêmtir dike. Li derdora vê herêmê jî ji bo alî yekser şer nekin, tê pêşniyazkirin ku bila herêmên ewle werin avakirin.

Di belgeyê de tê gotin: “Garantor piştî îmzekirina peymanê ji bo kêmkirina kaosê, bêçekkirin û diyarkirina sînorên herêmên ewle wê di nava 5 rojan de koma xebatê ava bikin.”

Tê payîn ku tûra duyemîn a hevdîtinên li Astanayê di nîveka meha Tîrmehê de were kirin.

Ji xeynî vêya Ajansa Nûçeyan a Reûtersê diyar kir ku nûnerên mûxalefetê ji peymanê kêfxweş nebûne û bi hêrs qîriyane û ji salonê derketine.

Muxalefeta çekdar a Sûriyeyê, bi daxwaza ku bila hêzên hikumetê herêmên di destên mûxalîfan de ye bombe neke, duh beşdarî hevdîtinên Astanayê nebûbûn. Lê mûxalîfan biryara xwe guherandin û vê sibehê beşdarî civîna li Astanayê bûn.