Greva birçîbûnê bêdem û dorveneger ya siyastemdarên Kurd ku Serokê KONGRA-GEL Remzî Kartal, Serokê KNK’ê Tahir Kemalîzade, Endamê Desteya Rêveber a KCKê Zubeyir Aydar û Serokê PJAKê Hacî Ehmedî ve li Bruksela paytexta Belçîkayê hate destpêkirin berfireh dibe.

Greva birçîbûnê ya 10 hezar girtiyên Kurd kete roja 65emîn. Roja 15ê mijdarê Siyasetmedarên Kurd li paytexta Belçîka Brukselê bi armanca piştgiriyê dest bi greva birçîbûnê ya bêdem û dorveneger kirin.

Siyasetmedarên Kurd duh saet di 14.00 de li Place Beguiage ya Brukselê dest pê kir. navên siyasetmedarên tevlî greva birçîbûnê wiha ne: Serokê KONGRA-GEL Remzî Kartal, Endamê Konseya Rêveber a KCK’ê Zubeyîr Aydar, Serokê KNKê Tahir Kemalîzade, Nizamettin Toguç,nivîskar- rojnamevan Gunay Aslan, nivîskar Derwiş Ferho, Celal Çortai, parêzer Mahmut Şakar, hunermend Seyitxan, Siyamend Moini.

Îro jî siyasetmedara Kurd û parlementera berê ya Eyaleta RenVestifalyaya Bakûr (NRW) ya Almanyayê û Alîkara Serokê Rêxistina Partiya Çepgir a Kolnê Hamîde Akbayir, nivîskar Hasret Bîrsel, Berdevka Meclîsa Jinan a Zurîhê Nesrîn Yazar, Endama Meclîsa Jinan a Den Haagê Pervîn Oguz, çalakgerên jin Halise Tuzer Ummuhan Surmeli jî tevil bûn.

Ev greva birçîbûnê ya siyasetmedarên Kurd ket roja duwemîn, tê payin ku tevlîbûna grevê zêdetir bibe. Kurdên li her aliyê Ewropayê ji bo piştgiriyê bidin çalakiya girtiyan dikevin greva birçîbûnê û bi çalakiyên cûda piştgirî didin daxwazên girtiyan.