Çalakiya "Nobeta Edaletê" ya li Îzmîrê ya ji bo balê bikêşin bi ser rewşa girtiyên nexweş û binpêkirina mafên girtiyan, îro li ber Girtîgeha Kiriklarê pêk hat. Çalakiya malbatan 144 roj in didome. Malbatên girtiyan pêşbendên li ser “Deng bidin zindanan” û “Ji girtiyên nexweş re azadî" nivîsî li xwe kirin û dirûşmeya “Jin jiyan azadî”, “Ji şer re na, hema niha aştî" û “Bijî berxwedana zindanan” hatin berzkirin. Rêxistina Partiya Demokratîk a Gelan (HDP) a navçeya Karşiyaka ya Îzmîrê ji bo piştevaniyê tev li çalakiyê bû.

Dayika Medet Sever ê li Girtîgeha  Bandirmayê girtî ye Hanim Sever di çalakiya îro de axivî û got: "Êrîşên li hemberî Bakur û Rojhilatê Sûriyeyê divê bê bidawîkirin. Em tenê aştiyê dixwazin. Lê belê li Tirkiyeyê edalet û demokrasî nîne. Niha her kes çav û guhê xwe girtiye. Êdî sebra me ya dayikan nemaye. Divê êdî tecrîd bê bidawîkirin û girtiyên ku cezayên wan qediyane divê bê berdan. Divê demildest bi Abdullah Ocalan re hevdîtin bê kirin.”

Daxuyaniya malbatên girtiyan bi berzkirina dirûşmeyan bi dawî bû.