Hikûmeta Meksîka 11’ê Îlonê di êrîşa li ser gerîlayên Zapatîsta de 2 gerîla revandibû û roja din jî ji aliyê çeteyên peremilîter ve gerîlayek din ê Zapatîsta hatibû qetilkirin. Êrîş li bajarê Bern a Swîsreyê hate protestokirin.

Çalakaiya li pêşiya Sefaretxaneya Meksîka ya Bernê hate kirin, aliyên Zapatîta yên li Swîsre dijîn, saziyên civaka sivîl ên Swîsrey û endamên Navenda Civaka Kurd jî tevlî çalakiyê bûn.

Di daxuyaniya hate dayîn de ev hate gotin: “Artêşa Rizgariya Netewî ya Zapatîsta (ELZN) nêzî 40 sal in, weke tevgera Zapatîsta li dijî polîtîkayên kapitalîst û mêtinger ji bo xweserya ku xwe dispêre vîna gel têkoşînê dike. Zapatîsta her roj li dijî çeteyên peremilîter û êrîşên hikûmeta Meksîka têkoşînê dikin.”

Di daxuyaniyê de hate gotin ku tavilê divê hikûmeta Meksîka Jose Antonîo Sanchye Juarez û Sebastîan Nunuez Prez berdin.

Çalakî piştî daxuyaniyan û şûnde bi dirûşmên banga hevpar a têkoşîna enternasyonalîst bi dawî bû.