Xizmên girtiyan li pêşiya Girtîgeha Bakirkoyê çalakî li dar xistin
Xizmên girtiyan li pêşiya Girtîgeha Bakirkoyê çalakiya “Deng bide azadiyê” li dar xistin.
Xizmên girtiyan li pêşiya Girtîgeha Bakirkoyê çalakiya “Deng bide azadiyê” li dar xistin.
Komeleyên Hiqûqî û Piştevaniyê yên bi Malbatên Girtî û Hikûmxwaran re ya Marmarayê (MATUHAYDER) û xizmên girtiyan di çarçoveya pêngava “Ji Abdullah Ocalan re azadî, ji bo pirsgirêka Kurd çareseriya demokratîk” de li pêşiya Girtîgeha Jinan a Bakirkoyê çalakiya “Deng bide azadiyê” li dar xistin. Hevberdevkê Kongreya Demokratîk a Gelan (HDK) Cengîz Çîçek û gelek welatî tevlî çalakiyê bûn. Di çalakiyê de gelek caran dirûşmên “Bijî berxwedana zindanan”, “Rûmeta mirovahiyê dê êşkenceyê têk bibe” û “Em ê bi berxwedanê bi ser kevin” hatin berzkirin.
Hevseroka MATUHAYDER’ê Dîlek Sonmez di çalakiyê de axivî û got ku heta tecrîd tê rakirin dê çalakî û xwepêşandanên xwe bidomînin. Sonmez, wiha got: “Li dijî tiştên li girtîgehan diqewmin, ji bo şikandina tecrîdê em ê mîna her hefteyê li vir çalakiya xwe ya rûniştinê li dar bixin.”
Daxuyanî, piştî çalakiya rûniştinê bi dirûşm û çepikan bi dawî bû.