Siyasetmedarê Kurd bi boneya bi armanca balê bikişînin ser greva birçîbûnê ya girtiyên Kurd ku ketiye roja 65’emîn dest bi greva birçîbûnê ya bêdem û dorveneger kirin. Di nava vê koma siyasetmedaran de Serokê KONGRA-GEL Remzî Kartal, Endamê Konseya Rêveber a KCK’ê Zûbeyîr Aydar, Serokê KNK Tahir Kemalîzade û Serokê PJAK’ê Hacî Ehmedî jî hene.

Greva birçîbûnê ya 10 hezar girtiyên Kurd kete roja 65emîn. Siyasetmedarên Kurd li paytexta Belçîka Brukselê bi armanca piştgiriyê dest bi greva birçîbûnê ya bêdem û dorveneger kirin.

Siyasetmedarên Kurd îro saet di 14.00 de li Place Beguiage ya Brukselê dest pê kir. navên siyasetmedarên tevlî greva birçîbûnê wiha ne: Serokê KONGRA-GEL Remzî Kartal, Endamê Konseya Rêveber a KCK’ê Zubeyîr Aydar, Serokê KNKê Tahir Kemalîzade, Nizamettin Toguç,nivîskar- rojnamevan Gunay Aslan, nivîskar Derwiş Ferho, Celal Çortai, parêzer Mahmut Şakar, hunermend Seyitxan, Siyamend Moini.

Tê payin ku hejmara beşdarên greva birçîbûnê di rojên pêş de zêde bibe.