Rêxistina HDP'ê ya Stenbolê xwest, têkildarî Doza Kobanê daxuyaniyekê bide çapemeniyê. Lê belê bi dehan polîsan beriya daxuyaniyê dor li avahiya bajêr a HDP'ê girtin û ketin û derketina kolanê girtin. Piştî ku daxuyaniyê dest pê kir polîsan nehiştin ku HDP'î ji avahiyê derkevin.

Girseya ku hewl da derkeve derve û daxuyaniyê bide, bû hedefa êrişa polîsan. Nûçegihanê MA'yê Enes Sezgîn û nûçegihanên Arti TV jî di nav de gelek kes bi lêdanê hatin destgîrkirin.