Civîn bi beşdariyeke xurt duh pêk hat. Nûnerê PYD'ê yê Ewropayê Zûhat Kobanê da xuyakirin, ku Şerê Sêyemîn ê Cîhanê li Rojhilata Navîn diqewime û got, "Gelek Hêzên cîhanê ji bo berjewendiyên xwe têkilî şerê li vê herêmê bûne."

Kobanê da xuyakirin, şerê heyî û ji nû ve dîzaynkirina Rojhilata Navîn dibe ku demekê dewam bike û işaret bi rola Kurdan a di vê têkoşînê de kir.

Zûhat Kobanê da xuyakirin, ku Kurd di nava vî şerî de hem weke hêzeke polîtîk, hem jî hêzeke leşkerî li ber xwe dide û destketiyên xwe diparêze.

Kobanê diyar kir, divê Kurd hemû bi taybetî Kurdên li Ewropayê zanibin ku pêvajoya heyî demeke xetere ye û pêwîstî bi xwedîderketina li destketiyên Kurdan ên li Rojava heye.

Kobanê herî dawî got, "Hêzên Kurdan xurt in û ber bi armanca xwe ve bi rengekî serketî dimeşin."