Komeleya Gundem Çocuk ku ji hêla Wezareya Karê Hundir ve deriyê wê hate mohrkirin, got, ‘’Hûn dikarin deriyê me mohr bikin, lê qet nikarin mirovan mohr bikin. Ji bo dinyayeke baştirîn ji bo zarokan em ê xebatên xwe bidomînin.’’
Di nav 370 komeleyî de ku ji hêla Wezareta Karên Hundir ve biryara girtina wan hatibû dayin Komeleya Gundem Çocuk jî hebû, piştî biryarê deriyê komeleyê ji hêla Maseya Komeleyan a girêdayî Walitiya Enqerê ve hate girtin.
Daxuyaniya pêşî ya ku ji komeleyê hatî wiha ye: ‘’ Hûn dikarin deriyan mohr bikin, lê qet nikarin mirovan mohr bikin!’’
Komeleya ku ji 2005’an ve xebatên xwe dike têkoşîna xwe dispêrê Peymana Heqê Zarokan a Neteweyên Yekbûyî (NY) Komele bi slogana ‘’ji bo zarokan dinyayeke baştir’ tevdigere, di nav komeleyê de gelek pêşvebirê zarokan, pisporê xizmetê, sosyolog, psîkolog, hiqûqnas, perwerdeker, mîmar û akademîsyan bi dildarî xebatan dikin.
Rapor û xebatên ku komeleyê heta niha kirine ev in:
Akademiya Mafê Zarokan
Li Tirkiyê Rapora Mafê Jiyanê ya zarokan
Li Tirkiyê Rapora Cihêkariya li ser zarokan
Projeya Dawîlêanîna Mêtina Bazirganî û Zayendî ya li ser zarokan
Li Dibistanan Projeya Ewlekariyê ya Fizîkî
Ji bo zarokan akademiya nivîsê
Kêm 18 rojnameya zarokan
Xebata Klînîka Hiqûqê ya têkildarî îstîrmarkirina zarokan
Şopandina dozên îstîsmara zayendî ku zarok bûne mexdûr
Şopandina doza kuştina Lutfullah Tacîk
Xizmeta Şêwirmendiyê ya ji bo zarok û malbatên wan ên ku mexdûr bûne
