Greva birçîbûnê ya girtiyên Kurd a ji 12ê îlonê ve hate destpêkirin û bi beşdariya zêdetirê 10 ehzar girtiyanb berdewam dike. Greva birçîbûnê ya bêdem û dorveneger a siyasetmedarên Kurd bi armanca piştgiriyê li Brukselê dane destpêkirin berdewam dike.

Greva birçîbûnê ya bêdem û dorveneger a siyasetmedarên Kurd a li Dêra Beguinage ya paytexta Belçîka Brukselê di roja 3yemîn de berdewam dike.

Navê siyasetmedarên tevlî greva birçîbûnê wiha ne: Serokê KONGRA-GEL Remzî Kartal, Endamê Konseya Rêveber a KCK’ê Zubeyîr Aydar, Serokê KNKê Tahir Kemalîzade, Nizamettin Toguç,nivîskar- rojnamevan Gunay Aslan, nivîskar Derwiş Ferho, Celal Çortai, parêzer Mahmut Şakar, hunermend Seyitxan, Siyamend Moini, parlementera berê ya Eyaleta RenVestifalyaya Bakûr (NRW) ya Almanyayê û Alîkara Serokê Rêxistina Partiya Çepgir a Kolnê Hamîde Akbayir, nivîskar Hasret Bîrsel, Berdevka Meclîsa Jinan a Zurîhê Nesrîn Yazar, Endama Meclîsa Jinan a Den Haagê Pervîn Oguz, çalakgerên jin Halise Tuzer Ummuhan Surmeli.

Dr Işik Îşcanli piştgirî da greva birçîbûnê ya sê rojan. Îro jî Konfederasyona Penaberên Bindest ên Ewropayê (AvEG-Kon) û Kolektîfa Penaberên Belçîkayê (BGK) û rêberên wê Vahit Çolak, Husnegul Karaca û Huseyin Araz piştgirî dan greva birçîbûnê.

Li vir nunerên AvEG-KONê axaftin kirin û diyar kir ku ew daxwazên girtiyan weke daxwazên xwe dibînin.