Kongre bi dirûşma "Bi coşa şoreşê xwe bi rêxistin bike, bi ruhê tolhildanê faşîzmê parçe bike" bi tevlîbûna 140 nûner û bi sedan ciwanan pêk hat. Komîteya Amadekar a Kongreya 3. a Ciwanên Azad encamnameya Kongreyê eşkere kir.

Di daxuyaniyê de li ser rêveçûna kongreyê ev agahî hate dayîn:

"Li ser erdnîgeriya Mezopotamyayê ku di dîrokê de şerê desthilatdaran ê dijwar lê qewimiye, yek ji gelên herî qedîm, gelê Kurd, her tim li ber xwe daye û têkoşiya ye. Bi taybetî ev 40 sal in  gelê Kurd li ser vê erdnîgariyê li dijî mêtîngeriyê şerê azadiyê û jiyanekî bi rûmet dimeşîne. Ev têkoşîn îro gihîştiye merheleyeke dîrokî û bi serfiraziyekî mezin encam digire. Ev têkoşîn îro di pêşengtiya jin û ciwanan de dimeşe û îro di Kurdistanê de gel xwe bi xwe bi rê ve dibe û diparêze. Yên ku mêtîngeriyê ji Kurdistanê re, bindestiyê ji Jinê re û bikaranînê ji Ciwanan re rewa dibînin, bi perspektîfên Rêber APO tarûmar bûne.

'TÊKOŞÎNA JIYANA AZAD Û FELSEFEYA RÊBER APO EM Ê PÊK BINÎN'

Di encama vê têkoşînê de gelê Kurd derketiye ser dika dîrokê û îro hatiye asteke ku di siyaseta cîhanê de rolekî gelekî mezin dilîze. Ango kî bêyî gelê Kurd hesabên şaş bike, wê wekî Kobanê, Cizîrê u Sûrê li wan vegere ji ber ku gelê Kurd bûye navenda çareseriya hemû gelan.

Ev têkoşîn bi gelek berdêl, zor û zehmetiyan hatiye heta roja me ya îro. Îro jî em ê têkoşîna jiyana azad û felsefeya Rêber Apo di jiyana xwe de pêk binîn. Em jî wek ciwanên Kurd ên ku li Ewropayê dimînin guh bidin bangawaziya Rêber Apo û ji bo erkên ku dikevin ser milên me amade ne û mecbûr in pêk bînin. Wekî berxwedêrên xweseriya demokratîk pêwîste em zanibin ev pêvajo pêvajayeke têkoşînê ye û em jî wek ciwanên Kurd ên li Ewropayê nikarin xwe jê vegirin."

BIRYARÊN HATIN GIRTIN

1- Ciwanên Azad kongra xwe ya 3’mîn diyarî Şehîd Lecwan, Şehîd Çekdar, Şehîd Tîjda û Şehîden xweseriya demokratîk dike.

2- Di Navenda hemû xebatên xwe de azadiya Rêber APO esas digire, li ser vê esasê xwe bi awayekî çalak tevlî hemû çalakiyên ji bo azadiya Rêber APO dike û pêşengtî jê re dike.

3- Li dijî êrîşên li ser gelê Kurd, erdnîgeriya wî û Rêbertiya wî di cîh de nerazîbûnê nîşan dide û têdikoşe.

4- Li dijî qirkirina çandî, polîtîk û exlaqî ya li Ewropayê pêk tê girîngî dide xebatên çandî, hunerî û werzişî. Di serî de Hambûrg û Parîs bajarên ku heza rexistinê heye wê navendên ciwanan bên vekirin.

5- Li dijî modernîteya kapîtalîst a ku cîvakîbûn felç kiriye, fikirandinê seqet kiriye û jiyan xistiye yek reng, ciwan nirxên modernîteya demokratîk bi pêş dixe û ava dike.

6- Li ser esasê paradîgmaya demokratîk ekolojîk û azadîxwaziya jinê xebatên perwerdehî û zanistî pêş dixe.

7- Li beramberî lîstokên ku pergal li dijî jinên ciwan pêk tîne, rêxistin kirin, xebatên perwerdehî û aktîf tevlî kirina jinên ciwan ji bo xwe esas digire û wek xebatê xwe ya herî bingehîn dibîne. Ji bo ev xebat hîn xurtir û mezintir bibe rêxistinkirina jinên ciwan xwe re esas digre.

8- Ji bo rêxistinkirina jinên ciwan, bi awayekî girseyî çapemeniya Jinên Ciwan û xurtkirina JXK’ê di vê xebatê de wê bi awayekî komînal bê kirin.

9- Şoreşa gel a xweseriya demokratîk a li Rojava wek mîsogeriya serketina modernîteya demokratîk li dijî modernîteya kapîtalîst dibîne, bi her awayî xwedî lê derdikeve, diparêze û piştgiriya vê yekê ji xwe re esas digire. Di vê çarçoveyê de ji bo pêdiviyên Bakurê Kurdistan û Rojava yên jiyanî pêk werin, xwe erk dar dibînin.

10- Modernîteya kapîtalîst ji bo ku ciwanan bihelîne, çetetiyê, bikaranîna madeyên hişbir û fuhûş bi awayekî dijî mirovahî pêş dixe. Ji bo sekinandina vê polîtîkayê li dijî çetetiyê, bikaranîna madeyên hişbir û fuhûşê aktîf têdikoşe.

11- Yek ji cureyên êrîşên dewletên Ewropî ya li dijî bi rêxistinkirina ciwanên Kurd polîtîkayên ajan kirinê ne. Ciwan vê yekê wek qirkirineke exlaqî û siyasî pênase dikin û li dijî vê nêzîkatiyê aktîf têdikoşe.

12- Ciwanên ku ji çar aliyên Kurdistanê koçber bûne, di çarçoveya neteweyî de nêz dibe û xweser birêxistin dike.

13- Li dijî polîtikayên asîmîlasyonê, qirkirinê siyasî û çandî, zimanê Kurdî bi hemû zaraveyên wê dixe meriyetê û teşwîq dike. Ji bo danenasîna çand û nirxên Kurdayetiyê çalakiyan lidar dixe.

14- Di perspektîfa Ciwanên Azad de avakirina neteweya demokratîk xwe berferih bi rêxistinkirin.

15- Ji bo dijî derketina modernîteye kapîtalîst bi pêşengiya ciwanên azad konferansek bê li darxistin.

16- Di karê perwerdeyê de sîstemeke rêk û pêk bê avakirin û bi ruhê seferberiyê li qadan endamên ciwanên azad bên bi rêxistinkirin.

17- Di serî de komkujiya Parîsê ji bo berpirsyarên komkujiyên li Kurdistanê bên cezakirin xebat bên meşandin.

18- Li dijî hemû êrîşên moderniteya kapîtalîst pêkhateya Ciwanên Şoreşgerên Enternasyonal were avakirin.

19- Li cihên ku xebatên Ciwanên Azad nîne, xebat bên kirin.

20- Hemû rêxistinên ciwanan, YXK, Jinên ciwan, Ciwanên Elewî, Ciwanên Êzidî, Ciwanên Rojava Ciwanên Navneteweyî (Enternasyonal) û Ciwanên parçeyên Kürdistanê di bin sivana Ciwanên Azad de bên komkirin.