Di çarçoveya lêpirsînê de ku ji ber nûçeyên têkildarî darayi ya Wezîrê Enerjiyê û zavayê Erdogan Berat Albayrak hatibû destpêkirin, Berpirsa ETHA û Midûra Karê Nivîsê Derya Okatan hat binçavkirin.

Okatan a ku ji bo ziyareta sersaziyê hatibû mala malbata xwe ya li Enqereyê, hate binçavkirin.

Duh polîsan bi ser mala Okatan a li Stenbolê de girtin.

Rojnamevan Okatan, kordînatoriya weşana gistî ya Radyoya Ozgur a ku bi Biryarnameya di Hikmê Qanûnê de hate girtin dikir.

Duh şev di çarçoveya heman lêpirsînê de Midûrê ajansa DÎHA’yê Omer Çelîk, nûçegihanê DÎHA’yê Metîn Yoksû, Nivîskarê Dîken Tûncay Ogreten û Midûra Karê Nivîsê yê Rojnameya Yolcûlûk Eray Saygin hatibûn binçavkirin.