Li bajarê Lozan ê Swîsreyê, ji bo Ebdulezîz Şêxo ê ku di êrîşa balafira bêmirov a dewleta Tirk a dagirker de 1’ê Kanûnê li ser rêya Qamişlo-Hesekê şehîd bû, merasîma sersaxiyê hat lidarxistin.

Di merasîma sersaxiyê ya ku li Navenda Civaka Kurd a Demokratîk a Lozanê hat lidarxistin de xizmên Ebdulezîz Şêxo, nûnerên Saziya Malbatên Şehîdan (KOMAW) û gelê Kurdistanê amade bûn.

Beriya sersaxiyê ji bo bîranîna şehîdên Têkoşîna Azadiya Kurdistanê deqeyek rêz hat girtin û li ser navê malbat û saziyên şehîd axafin hain kirin.

Berdevkê KOMAW'ê Mehmet Yilmaz di destpêka axaftina xwe de sersaxî ji malbatê xwest û êrîşên dagirkeriyê yên dewleta Tirk ên li ser Bakur û Rojhilatê Sûriyeyê nirxand. Yilmaz bal kişand ser berxwedana serdemê ya li dijî êrîşên dagirkeriyê û got, “Em banga seferberiyê ya Rêveberiya Xweser a Bakur û Rojhilatê Sûriyeyê ji xwe re esas bigirin."

Piştî axaftinên xizmên şehîd, li ser navê malbatê sersaxî hat qebûlkirin.