Prof. Dr. Şebnem Korûr Fîncanci ya seroka Yekîtiya Bijîşkên Tirk hêjayî ‘’Xelata Mafên Mirovan a Jacques Ribs’’ hate dîtin ku xelat cara ewil îsal ji aliyê Weqfa Rene Cassin- Enstitûya Mafên Mirovan ve hate dayîn.

Merasîma xelatdayînê li bajarê Strasbourg ê Fransayê hate lidarxistin û Şêwirmendê Hiqûqê yê Dadgeha Mafên Mirovan a Ewropayê yê berê Vincent Berger û Serokê Weqfa Rene Cassin Emmanuel Decaux jî tevlî merasîmê bûn.

Prof. Dr. Şebnem Korûr Fîncanci di merasîmê de axivî û diyar kir ku parastina mafên mirovan divê bibe erka sereke ya hemû mirovan û got: ‘’Bi standina vê xelatê ez gelekî kêfxweş im. Divê em li dijî binpêkirinên mafan û ji bo jiyaneke aram têkoşîna xwe mezintir bikin.’’