Li Fransayê, qanûna rê dide zewaca hevzayendan, ku par hat qebûlkirin careke din bû mijara nîqaşê. Serokkomarê berê Nicolas Sarkozy ku namzetê serokatiya partiya xwe UMP ye, xwest qanûn bê betalkirin û ji hevzayendan û hevserên din (jin û mêr) bi awayekî cuda bên mehrkirin.

Pêşnûme qanûna ku par li Fransayê di encama nîqaşên dûr û dirêj de qanûnî bû, careke din rê li ber nîqaşan vekir. Lîderên mûxalefeta rastgir, mijarê li dijî hikûmetê bikar tîne.

Serokkomarê berê Nicolas Sarkozy ku duh beşdarî xwepêşandana bi navê 'Manif pour tous' a li dijî qanûna zewaca hevzayendan bû, xwest qanûn bê betalkirin. Sarkozy ku namzetê serokatiya Partiya Tevgera Gel (UMP) ye, li şûna qanûna ku li ser navê Wezîra Edaletê Christiane Taubira hat derxistin xwest, ji bo hevzayendan û hevserên din (jin-mêr) qanûnên mehrkirinê yên ji hev cuda bên bicihanîn. Sarkozy der barê qanûna dixwaze de agahiyên berfireh neda.