NPG: Bi giyanê Mam Zekî û Zerdeştan em bi ser bikevin

Fermandariya Biryargeha NPG'ê êrîşa li ser Şengalê şermezar kir û got,''Em pir pê bawer in ku bi rihê Mam Zekî û Zerdeştan, lehengên pêşeng ên gelê me yê Êzîdî, li Şengalê li dijî her cure êrîşê hûn ê li ber xwe bidin û bi mîsogerî hûn ê bi ser bikevin.''

Fermandariya Biryageha Navenda Parastina Gel ji bo yek ji fermandarê damezirîner ê YBŞ'ê Zerdeşt Şengalî û şervanên din ku bi êrîşa dewleta Tirk şehîd bûn peyama sersaxiyê da.


Fermandariyê di daxuyaniya xwe de wiha got:

'BAWERIYA ME PÊ KAMIL E KU XWÎNA WAN WÊ LI ERDÊ NEMÎNE'

''Em êrîşa bi nemerdî û bi newêrekî ya dewleta Tirk a mêtingeriya qirker a faşîst a ku li ser mijara dijminatiyê  ya li ser Kurdan, Kurdistanê û gelê Êzîdî ti sînoran nas nake, ya 15.01.2020'an a li ser hêzên we, ya li gundê Dugirê bi tundî şermezar dikin. Em dixwazin diyar bikin li dijî her êrîşê em li rex we ne û êşa we bi dil û can par ve dikin.  Di vê êrîşê de ya bi qalêşî, di serî de yek ji fermandarê damezirîner ê YBŞ'ê, zarê leheng ê Êzidiyan Zerdeşt Şengalî, em sersaxiyê didine malbatên fermandar û şervanên hêja yên YBŞ'ê Hamîd Şengalî, Şervan Cîlo û Êzdîn Şengalî, em dibêjin serê gelê me yê Şengalê, yê hemû gelê Kurdistanê û fermandar û şervanên hêja yên YBŞ'ê sax be. Baweriya me pê kamil e ku tola van zarên pêşeng ên dilêr ên Êzdîxanê wê were hilandin, xwîna wan li erdê namîne û bîranîna wan mîna ku şayanî wê bin wê werin jiyîn.

Bermayên berdest ên Împaratoriya Osmanî ku di dîrokê de celadê piraniya 73 Fermanên li ser gelê me yên Êzîdî bi xwe ne û bi hovîtî qira gelê Êzîdî anîne, bi xeyalên Osmaniya nû, dijminatiya xwe ya li ser gelên Kurdistanê û gelê me yê  Êzîdî careke dî bi xwînxwariya xwe nîşan dane. Rejîma faşîst a AKP-MHP'ê beleheq êrîşê nabe ser hêzên mîna YBŞ'ê, YPG'ê, ku tenê li dijî hovîtî û qirkirina DAÎŞ'ê ji bo berevaniyê li gelê me bikin hatine damezirandin. Ev komkujiya li ser zarên hêja yên gelê me yê Êzîdî, ku alçaxên faşîst ên qirker  ên AKP-MHP'ê bi gotina, ''Li wir PKK heye, em li PKK'ê didin'' pêk anîne, ti caran wê neyê jibîrkirin û xwîna wan li erdê nemîne. Her kes pê dizane,  em PKK an jî HPG me peywira dîrokî bi mudaheleya li plana qirkirinê ya AKP'ê û DAÎŞ'ê ya li Şengalê  bi cih anî û Nîsana 2018'an bi fermî û fiîlî em ji Şengalê vekişiyan.

Li gel vê jî ev êrîşa ku bi derew, xapandin û alçaxiya mezin anîne, di rastiyê de êrîşeke li ser xwedîvînbûna gelê me yê Êzîdî ya li Şengalê ye û li dijî armanca xwerêveberina wê ye. Dewleta Tirk a mêtingeriya qirker a faşîst li kûderê dibe bila bibe xwedîstatûbûna xwerêveberinê ya gelê me ji bo xwe mîna talokeya herî mezin dibîne, mîna meseleya 'manûnemanê' ji bo xwe dibîne û ji ber vê jî bi komkujiyên wiha bi alçaxî, terorîzma dewletî li ser gelê me yê Êzîdî dike.

Xwediyên vê hişmendiya faşîst a qirker, ku jê ne xweş in gelê me yê Êzîdî li Şengalê, bi rengê ku parçeyek ji Kurdistanê û Iraqê be, pergala jiyana azad ava bike, pergala xweparatsinê ava bike û hebûna xwe biparêze, 15'ê Tebaxa 2018'an ji wê êrîşa bi xwînwarî ve, ya li ser Mam Zekî Şengalî, zarê dilêr ê gelê me yê Êzîdî, pêşeng û şoreşgerê mezin, bi êrişên curbecur daniye holê ku çawa dewleteke terorîst e.

Tekane armanca van hemûyan ji bilî dijminatiya li ser gelê me yê Êzîdî, ji bilî dijberiya bi temamî ya li gelê Kurdistanê û jiyana wê ya azad ne ti tiştî dî ye.  Rastî ew e ku li gel ku ji bo wê tinekirina hemû destkeftiyên gelê me ye û ji bo bêstatûhiştine gelê Kurd a li hemû parçeyan e û ji bo bênasnamehiştinê ye jî bi gotina, ''li wir PKK heye'' bi rengekî zelal gelê me yê Êzîdî û saziyên wê dike hedef. Li dijî van êrîşên terorî yên bi alçaxî yên dewleta Tirk, bêdengnemana hemû gelê Kurdistanê, raya giştî ya pêşverû ya demokartîk û piştevaniya li têkoşîna hebûn û azadiyê ya gelê Şengalê peywireke sereke ya mirovî ye.

'EM AMADE NE KU BEREVANIYÊ LI GELÊ XWE BIKIN'

Baweriya me bi we fermandar û şervanên  hêja yên YBŞ'ê, YJŞ'ê qeyîm e ku, mîna li dijî faşîzma DAÎŞ'ê we kirî, li dijî faşîzma AKP-MHP'ê jî, ku cêwiya hiş û rihê DAÎŞ'ê ye, hûn ê bi eynî rengî i ber xwe bidin û bersiva hewce bidin. Em pir pê bawer in ku bi rihê Mam Zekî û Zerdeştan, lehengên pêşeng ên gelê me yê Êzîdî, li Şengalê li dijî her cure êrîşê hûn ê li ber xwe bidin û bi mîsogerî hûn ê bi ser bikevin. Em HPG dîsa diyar dikin di vê têkoşîna we de, ya biheq û rewa, heta dawiyê em ê li rex we bin,  heke hewceyî pê çêbibe, em hazir in ku bi alîkariya we ve bibezin, li Êzîdxana pîroz, li dijî terora faşîzmê bi we re mil bi mil şer bikin û berevaniyê li gelê xwe bikin.

Bi wê baweriya ku bi rihê nemir ê fermandar Zerdeştan li dijî her cure êrîşê, bi berxwedana bi şêwaz û taktîkên rast, bîranînên şehîdên me bi layiqî wê werin jiyîn û wiha dahatuya xweşik û azad wê were mîsogerkirin we slav dikin û serkeftinên mezin ji we re hêvî û daxwaz dikin.''