Li hemberî koronavîrusê civîn hate lidarxistin

Partî û pêkhateyên Kurdistanê bi navê ‘Yekîtiya Neteweyî’ konferansek li dar xistin û derbarê koronavîrusê biryar stendin.

Ji ber koronavîrusê nûnerên partî û pêkhateyên Kurdistanî yên ji her çar parçeyan li ser skype ‘Konferansa Yekîtiya Neteweyî’ li dar xistin.

Di konferansê de ev tişt hate diyarkirin:

“Ji koronavîrusê, Di 2’ê Nîsana 2020’an de  saet di 17.00 de, ji çar perçeyan nûnerên parti û pêkhateyên Kurdistanî, bi navê “YEKÎTIYA NETEWΔ, bi rêya SKYP a djîtalê, konferans hat çêkir.

Di konferansa Skype de, nirxandinê ku çiqas Kurdistaniyan li Ewrûpayê  jiyana xwe ji ber “Virusa Korona”’yê ji dest dane û çend kes bi vê nexweşiyê ketine, nîqaş hat kirin. Di encamên nirxandinan de, hem fîkirî pêkhat ku her çar perçeyên Kurdistanê jî di bin xetereya koronavirus de ne.

Nûnerên partî û pêkhateyên Kurdistanê, xebata xwe ya ji 10’ê Adara 2020 heya îro dan eşkerekirin. Bi taybetî, di derbarê ambargoya li ser Wargêha Mexmûrê de, nirxandin hatin kirin. Hat gotin ku ew vê ambargoyê qebûl nakin û ew pirsgirêkek netewî ye, pêwist e bi lez ambargo were bi dawi kîrin.

Di demek wisa de ku krîza Coronayê, di cîhanê de yekemîn rojeva mirovatiyê ye, li Kurdistanê hêzên dagirker û mijoker, dixwazin vêna ji xwe re bizîvirînin derfetêkê. Li Bakur, şaredariyên ku bi vîyana gel hatine hilbjartin û di xizmeta gel de ne, bi derbeya kayûman ew ji kar derxistin, bi polîtikaya dijminatiya Kurdan êrîşî ser gel dikin, bi hezaran siyasetmedar rehîn girtine, xistine zîndanan û bi giştî jiyana gel xistiye nava xeterek mezin.  Dewleta Îranê, herkesî azad dike, lê Kurdan di zîndanê de digire! Hemû hevalên beşdarî Konferansa Skyp’ê bûn, tekez kirin ku di vê rewşa awarte ya  em di nêv de ne, pêwiste her Kurd di vê pêvajoyê de xwe wek berpirsiyar bibine û li her 4 parçeyê Kurdistanê xwedi derkeve. Biryarên ji bo plansazkirinê piştî nirxandin û analîzan hatin girtin.  Yekîtiya neteweyî di vê demê de, pîr hewceyî pê heye.  Bi pêşxistina hevkarî û hişmendiya civakî, bi çalakiyên bi rêxistinbûyî, bi koordine, divê em hevaltiya kolektîf a yekîtiya neteweyî pêş bixin û tenduristiya gelê xwe ji her tiştî zedetîr bigrin dest.

Di civînê de ji bo hemû partî û saziyên Kurdistanî bang hate kirin, ku di vê pêvajoyê de, weke pêdiviyên welatparêziyê û mirovbûyînê, divê tenduristiya însanên me di ser her tiştî re were girtin, cudahîyan bidin rexekî û xebata hevkar were pêşxistin.

 

Di civînê de ev biryarên giring hatin standin:

•    Civîna Yekîtiya Neteweyî, ew ê ji mehê carekî, bi dijîtalê were çêkirin

•    Li dijî Coronavirusê, ji bo parastina tenduristiya gelê Kurdistanê, divê di çarçova yekitiya netewî de xebata hevpar were meşandin.

•    Nameya li dijî Ambargoya li ser Wargeha Mexmûrê ya hevpar a ku ew ê  were amadekirin, divê ji Rêveberiya Başûr, PDK, Rêzdar Mesûd Berzanî, Rêzdar Nêçîvan Berzanî û ji Serokê Parlamentoyê re, bi rêya e-posta, telefon û dijitalên din ve were şandin.

•     Divê nameyek hevpar were amadekirin, ji bo ku ji YN û saziyên navneteweyî re were şandin.

•    Divê kampanya malbatên xuşkûbira, di rêza pêşî de ji bo Mexmûr, Şingal, Şehba û Lavrovê û paşê bi giştî ji bo hemû Kurdistanê were sazkirin. Ev kampanya, divê di ser HEYVA SOR A KURDISTANÊ re were meşandin.

•    Ji bo zindanên Tirkiyeyê, Bakurê Kurdistanê, Îranê û Rojhilat, di rojên 5-6’ê Nîsanê de, li ser medya civakî kampanya were çêkirin.

Partî û Saziyên Beşdar

•    YNK (Yektiya Niştimanî Kurdistan)

•    Tevgera GORRAN

•    KCDK-E(Kongra Civakên Demokratîka Kurdistaniyên-Ewrupa)

•    TJK-E (Tevgera Jinên Kurdistanê-Ewrupa)

•    Partiya ŞÛÎ Kurdistan - Başûr

•    Partiya Zahmetkêşan - Başûr

•    PADÊ (Partiya Azadî û Demokrasiya Êzîdiya)

•    Tevgerê Azadî

•    PYD (Partiya Yekîtiya Demokrat )

•    P.D.K.S  (Partiya Demoqrat a Kurdî ya Sûriyeyê)

•    Partiya Çep a Kurd li Sûriyeyê

•    Tevgera nûjen a Kurdistanî-Sûriyeyê

•    Partiya Demokrata Kurd li Sûriyeyê( el partî).

•    Partiya Demokrata Pêşverû ya kurd li Sûriyeyê.

•    Partiya Çep a Demokrat li  Sûriyeyê.

•    PYDKS - Partiya Yekîtiya demoqra a Kurd li Sûriyeyê .

•    Partiya rêkeftin a kurd li Sûriyeyê.

•    Partiya çaksaziya kurd li Sûriyeyê.

•    Partiya kesk a Kurdistanî li Sûriyeyê.

•    Partiya demokrata Kurdistanî li Sûriyeyê.

•    Partiya komanist a Kurdistanî li Sûriyeyê.

•    PIK (Partiya islamiya Kurdistan)

•    KKP ( Partiya Kominista Kurdistan)

•    Tevgera Kawa

•    PJAK(Partiya Jiyana Azad a Kurdistan)

•    Yekîtî Şorşegerî Kurdistan

•    KODAR  (Civaka Demokratîk û Azada Rojhelatê Kurdistan )

•    KJAR (Civaka Jinên Rojhelatî Kurdistan )

•    Platforma Horam

•    Plattforma Zagros

•    Plattforma Yarsan

•    Yarî Kurd

•    Kurdische Gemeinde Stuttgart e.V

•    FEDA ( Federesyona Elewîyên Kurdistan)

•    NAV – YEK ( Federasyona Komelên Êzidiya)

•    Kurdische Zentrum Berlin

•    CIK ( Civaka Islamiya Kurdistan)

•    Enstituya Kurdî – Almanya

•    Enstituya Kurdî – Bruksel

•    MŞD ( Meclîsa Şingal a Derveyî Welat)

•    YMK ( Yekîtîya Mamostayên Kurdistan)

•    YES (Yekitiya Êzdiyên Sûri)

•    Kurdisch Gemeinde Brandenburg - Berlîn   

•    Dachverband der Êzidischen Frauenräte

•    DKF ( Deutsch-kurdisches Forum) e.V  Dresden

•    Kongreya Gel a Mezopotamya

•    Partiya Azadiya Mezopotamya

•    Kurdistan human rights Association"