YPG’ê nasnameya 2 şehîdan eşkere kir
Navenda Ragihandinê YPG’ê bi daxuyaniyeke nivîskî nasnameya 2 şervanên xwe eşkere kir yên şehîd bûne.
Navenda Ragihandinê YPG’ê bi daxuyaniyeke nivîskî nasnameya 2 şervanên xwe eşkere kir yên şehîd bûne.
Navenda Ragihandina Yekîneyên Parastina Gel (YPG) bi daxuyaniyeke nivîskî nasnameya 2 şervanên xwe eşkerekir yên ku li cihên cuda di encama nexweşî û qezaya trafîkê de şehîd bûbûn. YPG’ê sersaxî ji malbatên şehîd û gelê Kurd re xwest.
YPG’ê di daxuyaniyê de têkildarî şehîdan ev agahî parvekir;
“Hevalê me Rojhat Kobanê, dema bi erka xwe radibû, di 10’ê Gulana 2018’an de li ser rêya Mebrûka ya girêdayî Serêkaniyê di encama qezayeke trafîkê de şehîd ket.
Rêhevala me Roza Efrîn jî, di encama nexweşiyeke giran de, di nexweşxaneyê de tevî hemû hewldanan jî nehate rizgarkirin û şehîd ket.
Hevalê me Rojhat Kobanê li gundê Bîr Reş yê girêdayî Kobanê di nava malbateke welatparêz de ji dayîk dibe û bi bandora berxwedana li bajarê wî Kobanê tê jiyîn cîhê xwe di nav refên têkoşînê de digire. Hevalê Rojhat ku xwedî sekneke dilnizm bû, ji her erka ku jê re hate dayîn re bê fikar nêz bû. Li ku derê berpirsiyartiyek jê bihata xwestin bê hesab pêk dianî, heya şehadeta xwe jî van taybetmendiyên xwe parast.
Hevala me Roza Efrîn ya ku li navçeya Raco ya ku aliyê wê yê welatparêzî li pêş e ji dayîk bû, van taybetmendiyan di kesayeta xwe de da rûniştandin. Bi pêşketina hişmendiya azadiya jinê ya ku bi şoreşa Rojava re mezin bû, rêheval Roza tevlî refên berxwedanê dibe. Heval Roza herî dawî jî di Berxwedana Sedemê ya Efrînê de cîhê xwe girt û bi sekna xwe bû xwedî pratîkeke serkeftî.”
Li gorî daxuyaniya YPG’ê nasnameyên pakrewanan wiha ye:
Nasnav: Rojhat Kobanê
Nav û Paşnav: Ebdullah Hemdû
Navê Dayikê: Ferîde
Navê Bav: Hecî
Cihê Jidayikbûnê: Kobanê
Cih û Drms Şehadetê: Serêkaniyê / Gundê Mebrûka / 10’ê Gulana 2018’an
***
Nasnav: Roza Efrîn
Nav û Paşnav: Siltan Koto
Navê Dayikê: Fêroz
Navê Bav: Omer
Cihê Jidayikbûnê: Efrîn
Cih û Demaa Şehadetê: Dêrik / 2’ê Gulana 2018’an