Pêveçûnên şervanên QSD'ê li taxên Reqayê didome. 90 ji sediya taxa Hişam Bin Ebdulmelîk şervanan rizgarkirin. Li vê taxê çeteyan xwestin rê li pêşiya pêşveçûna şervanan bigirin, bi 3 komên xwekuj û 2 wesayîtên  bombebarkirî êrîşî nuqteyên şervanan kirin. Êrîş bi temamî ji aliyê şervanan ve hat şikandin, herdu wesayît hatin îmhakirin û 19 çete hatin kuştin.

Li taxa  Berîd a dikeve bakurê rojavayê bajêr çeteyan bi 2 koman û 2 wesayîtên bombebarkirî êrîşî çeperên şervanan kirin. Êrîş rastî bersivdayîna şervanan hat, herdu wesayît hatin îmhakirin û 5 çete hatin kuştin. Çeteyên din jî ber bi xeta taxa Nehda ve reviyan.

Li taxa Rewda ya dikeve bakurê rojhilatê bajêr jî çeteyan bi 3 koman ku di nav wan de çeteyên xwekuj jî hebûn êrîşî nuqteyên şervanan kirin.  Êrîş hat şikandin, 11 çete hatine kuştin û wesayîtekî doçka barkirî hat rûxandin.

Li taxên Hişam Bin Ebdulmelik û Rewda şer didome.