Li Erîşa ya Hesekê li dijî êrîşên dewleta Tirk ên dagirkeriyê meşek hate lidarxistin.

Gelê ku li ber Meclîsa navçeyê hatin gel hev, bi pankartên Erebî û Kurdî yên bi nivîsa, “Na ji dagirkeriya dewleta Tirk re”, bi wêneyên Rêberê Gelê Kurd Abdulah Ocalan û alên QSD’ê dest bi meşê kirin.

Meş li ber qada Şaredariyê veguherî mitîngê. Di mitîngê de endamê Rêveberiya Partiya Yekîtiya Demokratîk (PYD) Rafet El-Dirîş axivî û got: “Bi yekîtî û hevgirtina li dijî êrîşên dagirkeriyê wê serkeftin pêk bê.” Bi navê Meclîsa Sivîl a Erîşeyê Nuhad El-Elî axivî û diyar kir ku dewleta Tirk a dagirker bi rêya siyasetên xwe yên qirêj hewl dide ku demografiya herêmê biguhere û gelê herêmê bide koçberkirin.

Endama Rêveberiya Kongreya Star a Erîşê Reca Salih axivî û got: “Hetanî serkeftinê em ê li dijî dagirkeriyê di nava berxwedanê de bin.”

Çalakî bi berzkirina dirûşmeyan bi dawî bû.