Li Bajarê Dêrikê  ji aliyê TEV-DEM’ê ve  bi tevlîbûna bi hezaran kesî Pêngava Vejînê ya  15'ê Tebaxê di salvegera  33’yan de  hate pîrozkirin. Di pîrozbahiyê de li ser navê Tevgera Civaka Demokratîk TEV-DEM’ê  Edalet Omer axivî û wiha got: "Di şexsê fermandar  Egîd  de em tevahî şehîdên Tevgera Azadiyê  bi minetdarî bi bîr tînin û bejna xwe li ber wan ditewînin. Coşa me, kelecaniya  me ya ji bo jiyana azad û  bi rûmet,  girêdana me  bi hêza wan zindî dibe.  Ji bo wê jî Pêngava 15'ê Tebaxê Cejna Zayînê  ye, edî Pêngava 15'ê Tebaxê û şûn ve careke dî, ji mirênê  jiyan hate afirandin.  Îro roja berxwedanê ya gelê Kurd e. Heqîqet careke dî xwe ferz dike û mafê axavtinê bi dest dixe. ‘Em ê dijminên hovana tune bikin’,  ev e dirûşmeya me ya serkeftine."

Piştî axaftinê, Koma Serhildan ya Girkêlegê  stranên şoreşgerî gotin, şanoyek ji aliyê Koma Ava Mezin ya Dêrikê ve li ser 15'ê Tebaxê hate lîstin. Sînevîzyonek li ser berxwedaniya 15 Tebaxê hate nîşandan.

Her wiha Koma Xebat ya Tirbespiyê û Koma Cûdî ya Bajarê Dêrikê  strandin. 

Pîrozbahî  bi govendê dawî bû.