Di rojnemeya Le Mondeyê de di nûçeya Benjamîn Barthe û Allan Kaval de cih dane siyasetmedara jin a Kurd ku 13'ê Cotmehê ji hêla komên çete yên rejîma Tirk ve hatibû şehîdkirin.

Di nûçeyê de çavdêriyên li ser merasîma cenazeya Xelef hate parvekirin. Nûçe bi sernava, ''Şehîd Hevrîn bû qurbaniya kûçikên şer ên Enqerê'' hate weşandin. Têgîna ''kûçikê şer'' li Serdema Navîn ji bo siwarçakên kirêkirî dihate gotin, niha jî ji bo çekdarên kirêkirî tê bikaranîn.

Di nûçeyê de hate gotin Xelef li Dêrikê, li 'şehîdgehê' hatiye veşartin û li ser merasîma cenaze wiha hate gotin: ''Li dilê Kurdistana xeyalî ku bi dehan jin û mêr di ber de canê xwe dane, em li bergeheke wiha ne ku bi geliyên biçûk ên bi rengê hingiv û tozê hatiye pêçandin. Li bakur aso Tirk e. Li Rojhilat çiya yên Iraqê ne. Yekşema vê Cotmehê rîtûela cenazeya ya tevgerê bi kitekitî hate bicihanîn: Sirûda netewî ya Kurd, stranên şoreşgerî, slavdayina çekdarî, hêstirên çavan ên dayikên yixtiyar ên bi çarik, nîşaneya serfiraziyê ku ji bo bîranîna şervanên şehîd tê rakirin.. Lê ev merasîm di wî şerî de ku dawî lê naye ne ya nû ye: li ser mohra kirêtiyê heye.''

Rojnameyê ku behsa dîmenên şehîdkirina Xelef kirî dibêje,''Li hêlekê revdeyeke nêran dor lê pêçaye, bi dehan gule lê ketine. Hemû jî komên alîgir ên Enqerê ne.''