Kurd wê ji bo statuya Kurdistanê ji Lozanê bimeşin Cenevreyê

Amadekariyên meşa yekîtiya neteweyî ya Kurd bi dawî bûn ku wê ji Lozanê heta Cenevreyê pêk were. Zêdeyî sed kes wê tevlî meşê bibin û destnîşan bikin, ku ji bo azadî û statuya Kurdistanê yekîtiya neteweyî pêwîstî ye.

Zêdeyî sed siyasetmedar, nivîskar, hunermend, rojnamevan, akademîsyen, nûnerên sazî û partiyên siyasî yên ji çar parçeyên Kurdistanê wê di navbera 5-6'ê Kanûnê de ji bajarê Lozanê yê Swîsreyê ku Peymana Lozanê ya ku Kurdistan kir çar parçe lê hate îmzekirin bimeşin heta Cenevreyê. Meşa "Ji bo têkbirina dagirkeriyê yekîtiya neteweyî ava bike" wê du rojan dewam bike.

'EM JI BO YEKÎTIYA NETEWEYÎ DIMEŞIN'

Komîteya Amadekar a meşê daxuyaniyek weşand û diyar kir, "Em mirovên ji nêrînên cuda yên siyasî, nûnerên sazî û partiyên ji beşên cuda yên Kurdistanê, rewşenbîr, nivîskar, hunermend, wênevan, rojnamevan, akademîsyen, jin û ciwanên Xiristiyan, Kurd, Suryanî-Keldanî, Asûrî, Ermenî, Tirkmen, Elewî, Misilman, Êzidî di 5 û 6'ê Kanûnê de ji bo yekîtiya neteweyî ji Lozanê dimeşin Cenevreyê."

Di daxuyaniyê de hate gotin, "Pirsgirêka herî mezin a ku armancên hêzên mêtinger hêsan dike pêknehatiya yekîtiya Kurdan e. Bi polîtîkayên parçe bike, bi rê ve bike û asîmîle bike xwestin ku Kurdan lawaz bikin. Lê belê piştî 200 salan di nava gelê Kurd de hişmendiyeke xurt a neteweyî afirî û wê bi yekîtiya neteweyî di vê sedsalê de encamê werbigirin.

Hêzên mêtinger; dewletên Tirk, Îran, Iraq û Sûriye cara yekemîne ku ewqasî bê hêz û li ber belavbûnê ne. Dîrok derfetên mezin pêşkêşî Kurdan û gelên bidest hemûyan dike.

'YEKÎTÎ WÊ KURDISTANÊ BI SER BIXÎNE'

Kurd di vê serdemê de gihîştine wê astê ku bi yekîtiya neteweyî karibin encamê werbigirin. Bi xurtkirina yekîtiya xwe wê bibin xwedî statu û demokrasiya li herêmê xurtir bikin.

Lê belê hîn jî hin hêz hene ku ji bêstatubûna Kurdan sûdê werdigirin. Mîna bêhelwestiya hêzên navneteweyî ku li pêşberî paqijiya etnîkî ya ku dewleta Tirk di 9'ê Cotmehê de li dijî Bakur û Rojhilatê Sûriyeyê (Rojava) da destpêkirin bêdeng man. Yekane rêya ku vê rewşê ji holê rabike ewe ku Kurd bi konferansa yekîtiya neteweyî di vê sedsalê de çarenûsa xwe diyar bikin. Parçebûyîn, mezhebî, partîtî wê ne tenê bi parçeyekî bidin windakirin, wê bi tevahiya gelê Kurd bidin windakirin. Yekîtî jî wê bi Kurdan û tevahiya Kurdistanê bide qezençkirin."

'EM SEDSALA 21'Ê BIKIN SEDSALA STATU Û AZADIYÊ'

Di daxuyaniyê de Peymana Lozanê hate bibîrxistin ku bi wê peymanê Kurdistan kirin çar parçe û hate gotin, meşa wan wê bi daxuyaniyeke çapemeniyê ya li pêşiya avahiya ku Peymana Lozanê lê hate îmzekirin dest pê bike.

Di daxuyaniyê de hate gotin, "Ji bo em sedsala 21'ê bikin sedsala statu û azadiya Kurdistanê yekîtiya neteweyî ji bo me hemûyan wezîfeyeke dîrokî ye. Gelê me, rewşenbîr û hunermendan ji ber ku ev metirsî dîtin ji bo avakirina yekîtiya neteweyî gav avêtin. Ji ber vê yekê em ê ji Lozanê li pêşberî raya giştî ya dinyayê û gelê Kurdistanê bang li partiyan hemûyan bikin ku ji bo yekîtiya neteweyî seferber bibin û kongreya neteweyî pêk bînin."

BERNAMEYA DU ROJAN A ÇALAKIYÊ

Li gorî daxuyaniyê, meşa yekîtiya neteweyî wê di 5'ê Kanûnê de li meydana Lozan Place de Rîponneyê saet di 10:30'î de bi daxuyaniyeke çapemeniyê dest pê bike. Piştî meşê wê êvarê panelek ji bo yekîtiya neteweyî pêk were û bi beşdariya hunermendên tevlî meşê bûn wê li Lozanê konserek pêk were.

Di roja duyemîn de wê meşvan ber bi Ofîsa Cenevreyê ya Neteweyên Yekbûyî ve bimeşin. Meş wê li ber avahiya Neteweyên Yekbûyî bi mîtîngekê bi dawî bibe.

Beşdarên meşê:

Ahmet Şego                       Nûnerê Rojava

Ali Baran                             Hunermend

Ali Matur                            Endamê KNK'ê

Ali Zülküf                            Wênevan

Areş Yari                             Hunermendê Rojhilatî

Azad Osman                     Endamê Têkiliyên Derve yê Hîzbî Şûî, Başûr

Aziz Tunç                           Nivîskar/  Hevserokê MARDEF

Abas Omer                        PYD

Azad Abdulahresit           YNK

Bengî Agirî                         Hunermend

Bahtyar Seyitxani            Nûnerê YNK'ê yê Ewropayê

Bavê Heqî                          Nûnerê PYD'ê

Basak Nuri Munich          Siyasetmedar, Başûrê Kurdistanê

Bavê Şêro                          PYD

Besime Konca                   Nûnera TJK-E

Beser Şahin                       Hunermend

Cemal Zariya                     Rojnamevan /Rojhilat

Cano Şakir                         Hevgirtina Rewşenbîrên Rojavayê Kurdistanê(HRRK)

Cemo Doğan                    Hunermend

Cewad Merwani               Hunermend

Dersim                               PYD

Devres Ferho                   Serokê Enstîtuya Kurd li Brukselê

Diyar                                  Hunermend

Diyar Bekir                         Siyasetmedar-Başûr 

Dr. Engin Sustam             Akademisyen

Dr. Cengiz  Gunes            Akademisyen

Dr. Rigrag                          Tevgêra Nûjen

Dr. Sedat Ulugane           Akademisyen

Doc .Çetin Gürer              Akademisyen

Ebdulbaqî Essed               Serokê MAF(Saziya Mafên Mirovan-Sûriya)

Eimad Nuri Ali                   Nonerê Başûr Siuy-Ewrupa Kurdistan

Emin Dilmaç                      CİK

Emele                                  Hunermend

Faruk Semedi                     Nûneré hizba demokrata kurdistan  PDK(KDP) Rojhilat

Fatma Sik                            Hevşaredara berê ya Sûrê

Fatoş Göksungur              Hdevseroka KCDK-E

Faysal Sarıyıldız                 Parlamenterê berê yê HDP'ê

Fergin Melik Aykoç            Nivîskar

Fereydûn Kuncirini            Siyasetmedar - Başûr                             

Ferid Efrînî.                          Siyasetmedar - Rojhilat

Firat Imirza                          Hunermend

Fikret İgret                           Hevserokê Meclîsa Dîasporayê ya Şengalê

Firaz Baran                          Rojnamevan/Nivîskar

Faruk  Muhsinoglu             Endamê KNK

Günay Aslan                       Rojnamevan-Nivîskar

Goran Hama                      Siyasetmedar -Başur

Goran Babali                      Tevgera  Goran

Hatice Altınışık                   HDP

Hemid Bahoz                     Hunermend û rêveberê NCÊ

Hekim Sefkan                    Hunermend

Hasan Muhammed          Goran

Hüseyin Alatas                  KKP

Hüseyin İçli                         KKP

Hikmet Serbilind               Serokê Partiya Îslam a Kurdistanê

Hüseyin Erkan                   Nûnerê Tevgera Kawa yê Ewropayê

Hüseyin Torun                   Nivîskar

Hoshyar Abdullah            Siyasetmedar- Başûr

İbrahim Ali                         CİK          

İbrahim Alipur                   Nûnerê PJAK'ê yê Ewropayê

Idris Bagok                         Hunermend û rêveberê NCÊ

Kemal Bilgit                        KKP

Karez xelifan                      Ciwanê ji Başûrê Kurdistanê

Kawa Nemir                        Helbestvan-Şanoger

Kawa                                    Hunermend

Kawa Urmiye                      Hunermend

Lami Özgen                        Hevserokê berê yê KESK'ê

Leyla Birlik                          Parlamentera berê ya HDP'ê

Lezgin Botan                      Parlamenterê berê yê HDP'ê

Mahzar Zumrut                 Serokê Enstîtuya Kurd li Dusseldorfê

Mehmet Yaşar                   KKP

Mehmet Söğüt                  Nivîskar

Mehemed Heci                 CİK          

Muzaffer Küçükyıldız        Nûnerê PKAN

Nursel Aydoğan                 Parlamentera berê ya HDP'ê

Necibe  Karacdagi             Tevgera Azadi

Nebez Abdullah Rasul      Siyasetmedar- Başûr

Nadia Muzuri                     Siyasetmedar- Başûr

Newroz Qadir                    Siyasetmedar – Başûr

Nejdet Atalay                     Şaredarê berê yê Êlihê

Omid Baban                      Endamê Têkiliyên Derve yê Hîzbî Şûî

Ozan Emekçi                     Hunermend

Ozan Şanoger                   Hunermend

Refik Abdulah                   Nûnerê Goran ê Ewropayê

Refiq Xefûr                        Endamê Konseya Rêveber a KNK'ê

Réwi Rédur                        Hunermend – Hevserokê NÇÊ

Reber Dosky                     Sînemavan

Rizan Yusus                       Nûnerê YES ê Ewropayê

Ronak Ahmet                    Nûnerê KNK

Sabri Eryigit                       Berpirsyarê PÎK ê Ewropayê

Suzan Samancı                 Nivîskar

Seyitxan                              Hunermend

Soran Ali                             YNK Ewropa

Şemdin                               Hunermend

Songül Çelik                      FEDA

Şiwan Perver                    Hunermend

Sibel Yiğitalp                     Parlamentera berê ya HDP'ê

Şevket Bakan                    Endamê KNK

Peywan Arjîn                     Hunermend

Vıyan Mayi                         Rejîsor

Yıldız Hane                         PYD

Yüksel Koç                           Hevserokê KCDK-E

Yüsüf Yesilöz                      Nivîskar-Senarist  

Zehra Dogan                      Rojnamevan-Wênevan

Zahir Loran                         Hunermend

Zozan Dêrik                        PYD

Zübeyir Aydar                    Endamê Desteya Rêveber a KNK

Xebat Şakir                        PYD

Xelil Xemgin                       Hunermend

Xebat Dhoki                       Hunermend