HPG'ê nasnameya şehîdên Bedlîsê eşkere kir
Navenda Ragihandin û Çapemeniyê ya HPG'ê nasnameya 7 gerîlayên li Xerzanê şehîd bûn eşkere kir. Yek ji şehîdan Fermandarê HPG'ê yê Eyaleta Xerzanê Welat Gever e.
Navenda Ragihandin û Çapemeniyê ya HPG'ê nasnameya 7 gerîlayên li Xerzanê şehîd bûn eşkere kir. Yek ji şehîdan Fermandarê HPG'ê yê Eyaleta Xerzanê Welat Gever e.
Navenda Ragihandin û Çapemeniyê ya HPG'ê li ser mijarê daxuyaniyeke nivîskî weşand û ev agahî da:
"27'ê Hezîrana 2018'an li navçeya Xîzan a Beldîsê, artêşa TC a dagirker bi desteka hewayî û tevlîbûna kontrayan dest bi operasyoneke berfireh kir. 28'ê Hezîranê balafirên şer û helîkopterên bi tîpa atak bomberdûmaneke giran li herêmê kirin û piştre hêzeke berfireh a leşkerî ku yekîneyên kontra jî di nav de bûn, bi helîkopterên Skorsky li herêmê hate danîn. Di navbera yekîneyên dijmin ên ketin qadê û hêzên me yên gerîla de şerekî giran qewimî. Dijmin di dema vî şerî de jî ji hewayê bomberdûmaneke giran kir û bi vî rengî xwest encamê bigire. Di şer de gelek leşkerên dijmin hatin kuştin, lê hejmara wan nehate zelalkirin. Şer heta 29'ê Hezîranê dewam kir û Endamê Fermandariya Herêma Navîn û Fermandarê me yê Eyaleta Xerzanê Welat Gever tevî 6 hevalên me bi fedayî şer kirin û şehîd bûn."
Li gorî daxuyaniyê, nasnameya şehîdan wiha ye:
Nasnav: Welat Gever |
Nasnav: Viyan Çiya |
Nasnav: Serxwebûn Zagros |
Nasnav: Rojhat Azad |
Nasnav: Huseyîn Garzan |
Nasnav: Ferzad Medî |
Nasnav: Faraşîn Sîpan |
Di dawiya daxuyaniyê de hate gotin, "Ji be şehadetan, em sersaxiyê ji malbatên xwe yên şehîdan û gelê xwe yê welatparêz re dixwazin. Em soza xwe careke din dubare dikin ku heta azadiya gelê xwe ku xewn û xeyala şehîdên me ye, em ê têbikoşin."