Gelê Kobanê, salvegera 40'î ya damezrandina PKK'ê li Salona Dawetê ya Newrozê pîroz kir. Pîrozbahî wê li meydana Şehîd Egîd bihata lidarxistin, lê belê ji ber rewşa nebaş a hewayê li yek ji mezintirîn salonên bajêr pêk hat. Qada pîrozbahiyê bi posterên Rêberê Gelê Kurd Abdullah Ocalan,a lên PKK'ê û kadroyên pêşeng ên PKK'ê yên di têkoşîna azadiyê de şehîd bûn hate xemilandin.

Ji Kobanê û gelek herêmên derdorê welatî tevlî pîrozbahiyê bûn. Di pîrozbahiyê de dirûşmên "Bijî berxwedana PKK'ê", "Bijî Serok Apo", "Şehîd namirin" û "PKK gel e gel li vir e" hatin qîrîn.

Piştî deqeyeke rêzgirtinê nûnerên Saziya Malbatên Şehîdan, ciwanên Kobanê û Mala Xaziyan axivîn. Qisekeran nerazîbûn nîşanî biryara DYA'yê ya li dijî sê kadroyên pêşeng ên PKK'ê dan û gotin, gel bi PKK'ê re ye.

Pîrozbahî piştî axaftin û stranan bi gerandina govendê qediya.