Li gorî agahiyên ku ji çavkaniyên herêmî hatine stendin di 13’ê Îlonê de saet di 07.50’an de qada Kelaşînê bi hawanan hate bomberdûmankirin û agir bi qadê ketiye.

Di heman rojê de saet di 15.30’an de berpalên Girê Berbizina jî ji aliyê balefirên keşfê yên Îranê hate bomberdûmankirin. Ev êriş heta 14’ê Îlonê domiya.

Di 14’ê Îlonê de saet di 17.00 û 20.30’an de jî balefirên keşfê yên Îranê berpalên Girê Berbizina bomberdûman kir. Saet di 23.30’an de jî li qada Kelaşînê da.

Tevî van êrişên bi balefiran qadên Kelaşîn û Berbizina heta 15’ê Îlonê bi hawanên ji qereqolên Îranê hatin bomberdûmankrin. Dema ku nûçe dihat amadekirin jî êrişên bi hawanan didomiya.