Bi sedan şêniyên herêma Tebqayê, fermandarên QSD û nûnerên Revberiya Xweser tevlî merasîmê veşartina cenazeyê şervanê QSD‘ê Ehmed Ebûd El-Seyah (Seqir Sehlebiyê) bûn.

Şêniyan cenaze ji Nexweşxaneya Wetanî ya Tebqayê wergirtin û bi kerwanekî ber bi Şehîdgeha Şehîdan ve ketin rê. Li Şehîdgehê merasîmeke leşkerî ji aliyê şervanên QSD‘ê ve hate lidarxistin û deqeyek rêz a bîranîna şehîdên têkoşînê azadiyê hate girtin.

Piştre Hevseroka Meclîsa Malbatên Şehîdan a Tebqayê Fatima El-Mehmûd axivî, sersaxî ji malbata şehîd re xwest û got: "Bi saya şehîdan em îro li vî cihê pîroz kom bûne. Cihê ku têkoşer û şoreşgeran hembêz kirine yên ku rûpelên dîroka gelê me xêz kirin. Şehîdan rêya gel a ber bi azadî, hezkirina axê û şikandina bendan ronî kir. "

Bi navê Rêveberiya Sivîl a Demokratîk a Herêma Tebqayê, hevserokê Komîteya Aborî Ehmed El-Silêman jî axivî û sersaxî ji malbata şehîd Seqir re xwest û soza şopandina rêya şehîdan da.

Piştî axaftinn, endama Meclîsa Malbatên Şehîdan Mûstefa Siwêd nasnameya şehîd xwend û radestî malbatê kir.

Girseya gel cenazeyê şehîd di nava dirûşme û tilîliyên dayikan spast axê.